BID EN LEEF DIE WOORD

“...As julle in My bly en My woorde in julle, vra dan net wat julle wil hê, en julle sal dit kry...” (Johannes 15:7)

Aangrypend! Dit is al woord wat omtrent mens se emosie beskryf as jy hierdie woorde van ons Here lees. Hierdie woorde moet daarom mooi geweeg word, en dit maak baie vrae los in jou gedagtes...

Verlang jy na só ‘n gebedslewe en verhouding met God? Leef jy in die woorde van Jesus en leef Sy woorde in jou? Verstaan jy die Woord reg? Bid jy reg? Hoe weet jy dat jy reg bid? Smag jy na ‘n ware verhouding met God? Wanneer die Woord in jou leef en jou gebede bepaal sal Johannes 15:7 vir jou waar word!

Wil jy regtig Sy wil ken, leef, bid en dan kry net wat jy vra?

Hierdie boek is dan bedoel om jou hierin te begelei.

Die dagstukwerkwyse/formaat van hierdie boek is bedoel om jou te help daarmee dat die Woord in jou sal leef. ‘n Ander formaat vir die dagstukkies word daarom gevolg in hiedie boek as die formaat wat in ander dagstukboeke te vinde is. Die formaat is: Lees die vraag, lees die Skrifgedeeltes en formuleer ‘n gebed na aanleiding van die vraag en bid dan hierdie gebed (Verdere besonderhede word elders bespreek).

Waarom hierdie formaat? Daar is reeds gewys op die feit dat dit in die boek gaan oor die wonderlike belofte van Johannes 15:7. In Johannes 15:7 word immers ‘n voorwaarde gestel: “...julle in My bly en My woorde in julle...” Die dagstukformaat van hierdie boek is gerig daarop om elke leser te begelei dat die Woord in jou sal leef (Terloops, baie mense glo ook hulle bid volgens die Woord, maar eintlik misbruik hulle net die Woord volgens selfsugtige verwagtings, sonder om met eerbied God se Woord te bepeins). Ander dagstukboeke kan maklik lei daartoe dat mens bloot in drie minute vinnig jou gewete troos, met ‘n klinkklaar vers, gedagte en gebed wat selfs vir jou uitgedink is! Wanneer mens bloot iemand ander se gedagtes oor ‘n Bybelteks aanhoor/lees, is die gevaar dat daardie woorde nooit regtig deel van jouself word nie. Dit kom bly nie in jou nie. Dit word nie deel van jou eie lewe en denke nie. Dit bly maklik net ‘n stukkie teorie wat ek in drie minute deurlees voor ek met my dagprogram begin. Wanneer mens egter self tot verwoording van iets kom én boonop daardie verwoorde gedagtes met God in ‘n gebedsvorm deel, word dit baie meer deel van jou lewe. Die Woord word immers deur jou oordink en geformuleer. Dit word deel van jou begeertes wat jy op intieme wyse met gebed en smeking met God deel. Dit kom woon in jou hart en gedagtes en vul jou. Hierdie dagstukboek is dus bedoel om veel meer as net ‘n mooi gedagte vir die dag te wees.

Hierdie boek het egter ‘n nog groter doelwit as die geestelike lewe van die individuele gelowige.

‘n Doelwit wat eintlik voortvloei uit die eerste doelwit. Die eerste doelwit is om elke gelowige te begelei om die vreugde van ‘n ware verhouding met God te ken. ‘n Verhouding wat moontlik word waar elke gelowige leef en bid uit die waarheid van God se Woord. Die tweede doelwit word die beste begryp wanneer die gebed van die Here Jesus in Johannes 17 oordink word:

“...Laat hulle aan U toegewy wees deur die waarheid. U Woord is die waarheid....en ter wille van hulle wy Ek My aan U toe,sodat hulle ook deur die waarheid aan U toegewy kan wees. Ek bid egter nie net vir hulle nie, maar ook vir dié wat deur hulle woorde tot geloof in My sal kom. Ek bid dat hule almal een mag wees, net soos U, Vader, in My is en Ek in U, dat hulle ook in Ons mag wees, sodat die wêreld kan glo dat U My gestuur het...”

Die Here bid vir eenheid in waarheid. Dan sal die wêreld glo dat Jesus deur die Vader gestuur is. Johannes 17 word vandag egter dikwels verkeerdelik aangehaal. Dit word aangehaal deur mense wat ‘n Bybelsvreemde soort eenheid in die kerk bepleit. ‘n Tipe eenheid van die kerk wat ten alle koste bereik moet word; Let wel ten alle koste – selfs ten koste van die waarheid. Hierdie Bybelsvreemde eenheidsgedagte streef na eenheid in kerkstrukture, eerder as eenheid tussen mense wat aan mekaar gebind is deur die waarheid van die Woord. Daarmee word nie bedoel dat strukturele eenheid noodwendig verkeerd is nie; die probleem is eerder die denke agter die strukturele eenheid wat vandag gesoek word. Dáárin vind mens ‘n groot dwaling.

‘n Tipe strukturele eenheid word gesoek wat berus op die bereidheid om kompromieë aangaande wesenlike sake van die Woord aan te gaan. Johannes 17 word dan baie oppervlakkig bygeroep om mense in dieselfde kraal te probeer hou wat die Woord heeltemal verskillend lees. Dit wil sê – mense wat heeltemal verskillend dink oor die waarheid van die Woord. Die eenheidsgedagte word deur sulke mense so fanaties nagejaag dat hulle nie besef dat hierdie eenheid wat hulle tot stand probeer bring, dikwels ‘n eenheid sónder waarheid is nie. Sonder die nodige, waaragtige erns met die waarheid van die Woord word gestreef daarna om kerklike strukture een te maak. Hierdie soort eenheid kan tog nooit vergelyk word met die soort eenheid waarvoor Jesus gebid het nie.

Calvyn het verlang na hierdie eenheid in waarheid. Hy het begryp dat die bereiking van so ‘n eenheid slegs sal gebeur waar elke gelowige die waarheid weer sal leer oordink, leer ken, leer liefkry en leer leef. Slegs daar kom ware eenheid.

Nou begryp u die rede waarom hierdie boek eerstens gerig is daarop om elke gelowige te begelei om die waarheid te ken, daarvolgens te bid en daarvolgens te leef – slegs dan vind mense mekaar in die waarheid en deel hulle vreugde oor die waarheid sonder agterdog met ander mense. Dan besef hierdie mense hulle is een in Christus, en hulle het soveel in gemeen. Dan wil hulle ook saam kerk wees van Christus.

Waar die waarheid nie die grondslag van ‘n eenheidstrewe is nie, sal die Here die menslike entoesiastiese pogings om eenheid daar te stel, nie seën nie. Trouens Sy vloek rus op so ‘n mensgemaakte tipe eenheid wat die waarheid nie bo alles liefhet nie.

Hierdie boek wil in diens wees van die ware eenheid van die kerk, deur idees te gee hoe die vergete sestiende eeuse geskrif “die Heidelbergse Kategismus” weer ingespan kan word om die kerk terug te bring tot die waarheid van die Woord.

Dit bring ons by die derde doelwit van hierdie boek. ‘n Doelwit om te voldoen aan die versugting van baie leraars dat ons belydenisskrifte vir mense meer toeganklik moet word, sodat hulle die skat daarvan kan leer begryp.

Hierdie boek bring daarom aan jou in die derde plek...die Heidelbergse Kategismus (HK) in vereenvoudigde Afrikaans!

Die doel van die boek is grootliks reeds beskryf. Hier volg ‘n kort samevatting van dit wat reeds genoem is, asook sekere ander bonusse wat kenmerkend is van hierdie boek se inhoud:

- Die Heidelbergse Kategismus in makliker Afrikaans

- Die opdeling van die Kategismus in ‘n dagstuk-lees-en-bid-die-Woord-program

- Beklemtoning van kernwoorde by die Kategismus se antwoorde in kursiewe skrif

- Opdeling van lang paragrawe om belangrike gedagtes in die Kategismus nie verlore te laat gaan nie.

- Ter wille van vinnige naslaanwerk - ‘n Kort samevatting van die Kategismus. Dit sluit in waar die leser antwoorde op watter vrae kan gaan soek in die HK

- “Bepeinsings” by van die dagstukkies, om die Kategismus se relevansie vir vandag duideliker te maak.

- Voorstelle vir ‘n program van 26 weke vir belydenisklasse. Die ontmoetings volg ‘n struktuur van gemaklike, informele groepbesprekings aan die hand van tydlose vraagstukke.

Hierdie herskrywing van die Kategismus kan deur puriste gekritiseer word, want dis bloot uit die Afrikaans eenvoudiger herskryf. Die brontale is nie bestudeer nie. Hierdie poging kom egter voort uit ‘n diepe eerbied en liefde vir die Kategismus. In sekere gevalle is gekies om die bedoeling van die Bybel akkurater weer te gee as in die moeilik-leesbare taal van die ‘ou’ Kategismus. Dikwels is die HK behou presies soos dit was. Daar is nie verander ter wille van verandering nie. Die Kategismus se indeling, vrae en antwoorde is presies weergegee om latere verwarring te voorkom.

Mag hierdie beskeie poging die kerk van Jesus Christus tot diens wees, en bydra tot ware eenheid. Te lank reeds is daar slegs bolangse menslike harmonie in die kerk, terwyl ons nie een in waarheid en liefde is nie.

Mag elke mens wat deur hierdie boek werk, ontdek hoe jy al meer begin leef en bid uit die ware verstaan van die Woord van God.

Pieter Prinsloo ( pjgprinsloo@telkomsa.net )

Kroonstad Môrewag NG gemeente

DIE DAGSTUKPROGRAM

Opmerkings aan mense (individue/gesinne) wat die HK aan die hand van die dagstukkies wil deurwerk en die Woord wil begin ken, leef en bid:

- Die dagstukkies is doelbewus nie gedateer nie.

- Die dagstukkies is bloot voorstelle. Dalk wil u meer/minder op een dag deurgaan. Soms sal u vind dat selfs net een Skrifgedeelte waarna die HK verwys kan lei tot die vul van u hele stiltetyd-program.

- Die HK en die bepeinsings is vir mense wat moeg is vir oppervlakkighede. Mense wat ware soekers na God is, sal met vreugde geestelike verdieping ondergaan as u nie net twv gewetensus die HK gaan oordink nie. Verbly jou in die Here!

VERDERE AANBEVELING: DIE VERRYKENDSTE BYBELSTUDIE-WERKWYSE AAN DIE HAND VAN DIE KATEGISMUS – ‘BID-DIE-WOORD-METODE’

Ek is só bang ons mis die diepte van die Woord deur die HK se vrae en antwoorde bloot vinnig deur te lees. Daarom beveel ek aan dat die volgende ‘werkwyse’ gevolg word vir ‘n dagstukprogram vir

- individue

- gesinne

- Bybelstudie/omgeegroepe

Duidelik is hierdie werkwyse slegs vir ernstige soekers na die dieptes van die Woord...

1) Lees eers net die vraag wat die HK aan ons vra by elke dagstuk.

2) Gaan kyk dan na al die Skrifgedeeltes waarna die HK by daardie vraag verwys.

3) Skryf dan ‘n gebed aan die hand van hierdie Skrifgedeeltes neer. Probeer elke sin begin met: “Dankie dat...” of “Help ons/my om...”

4) Lees dan eers die HK se antwoord.

5) Kyk of jou gebed alles insluit waarop die HK se antwoorde jou oog wou rig, en brei jou gebed op die manier nog verder uit. (Jy gaan verstom wees om te sien hoe baie mens miskyk in die Skrif agv mens se haastigheid!!)

6) BID dan peinsend hierdie gebed en vat dit saam met u die dag en die lewe in.

7) Die ‘verdere bepeinsings’ is opsioneel, maar ek glo dit sal lei tot verdere verdieping in die kennis van die Here en Sy wil. Dit vra soms diepe bepeinsing!

Hier is ‘n voorbeeld van hierdie werkwyse aan die hand van vraag 50 van die HK:

Vraag 50: Ons dink volgende na oor die woorde: “en Hy sit aan die regterhand van God”. Waarom voeg die belydenis hierdie sinnetjie doelbewus by?

(a)Ef 1:20-23; Kol 1:18. (b) Matt 28:18; Joh 5:22.

Opsomming van die Skrifgedeeltes in gebedsvorm:

a - Dankie dat ons kan weet dat U verhef is bo alle magte wat ons so dikwels geneig is om te vrees. Dit laat ons veilig voel om te weet ons is deel van u kerk. Ons eer U Jesus as die een wat die eerste plek in die heelal besit omdat U die oorwinnaar oor die dood is.

b - Dankie dat ons met U as ons Bewaarder ons taak as u gestuurdes kan gaan uitvoer in hierdie dag. Ons eer U as die Een wat in die Naam van ons Vader eendag sal oordeel oor almal wat ons nie in U naam ontvang nie AMEN.

Die HK se antwoord twv vergelyking is:

Antwoord: Hierdie woorde beklemtoon dat Jesus na die hemel opgevaar het in ‘n posisie van heerlikheid/grootheid. Hy is daar as die Hoof van sy kerk (a), deur wie die Vader alles regeer (b).

ALTERNATIEWE BYBELSTUDIE METODE

Mense met minder tyd beskikbaar kan bloot die vrae, antwoorde, Skrifgedeeltes en bepeinsings soos uiteengesit deurlees. Dit is egter ‘n minder ideale werkwyse vir wonderlike geestelike groei.

DIE BELANGRIKSTE IS EGTER NIE ‘N RIGIEDE WERKWYSE NIE, MAAR OM DIE WOORD MET VREUGDE TE OORDINK

DIE BELYDENISKLAS

Voorstelle vir ‘n jaarprogram aan die hand van die HK vir belydenisklasse. Die aanbieder se voorbereiding is grootliks onnodig. ‘n Tipiese klas verloop as volg:

- Die aanbieder verwys die kinders na die ‘bepeinsings’ in die les wat daardie dag hanteer word. Hy maak inleidende opmerkings oor die belang van die les, en gee die kinders 10 minute om die bepeinsings in sy afwesigheid self te bestudeer en met mekaar te bespreek (Hy kan gaan tee drink saam met die res van die gemeente tydens die 10 minute!). Na die 10 minute kry hy dan terugvoer oor hulle nadenke en besprekings en kleur telkens net die prentjie vir hulle voller in, waar hulle dalk belangrike dinge misgekyk het. Moedig hulle ook aan om die dagstukkie-program deur die week te volg.

Voorbeeld van ‘n belydenisklasjaarprogram (26 ontmoetings)

Januarie

Ontmoeting 1 Wat gebeur vanjaar?

2 Sondag 1

3 2&3

4 4&5

5 5&6

6 7&8

Maart

7 9&10 Inhandig van opsomming van 1-8

14 11&12

21 Geen

VAKANSIE

April

18 13&14

25 Geen

Mei

2 15&16

9 17&18

16 19& NGB

23 20&21 inhandig van opsomming van 9-19

30 Geen

Junie

6 22&23

VAKANSIE

Julie

18 24&25

25 26&27

Augustus

1 28-31

8 Geen

15 32&33 inhandig 20-31

22 34&35

29 36&37

September

5 38

12 39&40

19 41&42 inhandig 32-40

VAKANSIE

Oktober

3 43&44

10 45&46

17 47-49

24 50-52

28 Donderdagaand 18:00 saamkuier-bespeekaand by pastorie aan die hand van 40 samevattende kernvrae wat in die groep skriftelik uitgewerk word vir inhandiging. (Koekies en koeldrank op die huis!)

31 Geen

WEEK VAN PERSOONLIKE GESPREKKE RONDOM DIE INGEHANDIGDE ANTWOORDE

November

7 BELYDENISAFLEGGING

Die Heidelbergse Kategismus(HK) – Kry eers die geheelprent.

Ons het baie vrae aangaande God se wil. Die HK help ons om die waarheid te kan bely rondom meeste van hierdie dinge waaroor mense dikwels wonder. Kom ons kyk kortliks na die indeling van die HK. Sodoende sal jy weet waar om antwoorde op spesifieke vrae wat jy het, te gaan soek in die HK.

Die HK vertel ons die hele tyd van ware troos. Jy kan net getroos leef en sterf as jy drie dinge verstaan en glo. Hierdie 3 dinge is: Alle mense is heeltemal verlore in sonde. Alle mense het dus nodig om te hoor van die verlossing uit hulle sonde. Verloste sondaars moet dan verstaan hoe die lewe lyk wat hulle in dankbaarheid moet gaan leef voor God se aangesig. Kortom: sonde – verlossing – dankbaarheid.

Aan die hand van hierdie 3 groot sake antwoord die HK dan 129 vrae wat mense dikwels mee worstel. Skematies is hierdie vrae as volg ingedeel:

Wat is jou troos in lewe en sterwe? Vraag 1

Hierdie troos is net vir mense wat 3 dinge verstaan...jou verlorenheid in sonde, die weg van verlossing uit jou verlore toestand en die dankbare lewe van ‘n verloste. Die HK bespreek al die daaropvolgende vrae aan die hand van hierdie 3 sake -

1) Sonde - Is ek, soos almal, regtig verlore? V3-5

- Hoe het dit gebeur dat mense verlore in sonde is? V6-11

2) Verlossing

- Moontlike ontsnaproetes wat mense oorweeg uit hulle verlorenheid V12-14

- God eis sekere eienskappe by ‘n verlosser V15-19

- Hy verlos net die wat waarlik glo. Wat is ware geloof? V20-21

- Wat jy moet glo as jy waarlik glo...ons geloofbelydenis V22

- Die geloofsbelydenis: Elke deel se betekenis uitgelê bv. “ter helle neergedaal” se betekenis ens. V24-61

- Verlossing en goeie werke V62-64

- God versterk Sy verlostes se geloof deur die doop en nagmaal. Vrae oor die doop en nagmaal V65-82

- Verlostes en die tug V83-85

3) Dankbaarheid

- Dankbare mense en bekering V86-91

- Dankbare verlostes en die 10 gebooie. Uitleg van die 10 gebooie V92-115

- Dankbares se gebedslewe. Uitleg van die ‘Onse Vader’. V116-129

DIE HEIDELBERGSE KATEGISMUS

(Hier volg die vrae van die HK. Die antwoorde volg aan die einde van die laaste vraag)

Vraag 1: Laat ons begin met ‘n baie belangrike vraag: Wat is jou enigste troos in lewe en in sterwe?

(a)Rom 14:8. (b) 1 Kor 6:19. (c) 1 Kor 3:22; Tit 2:14: (d) 1 Pet 1:18, 19;1 Joh 1:7; 2:2, 12. (e) Heb 2:14;1 Joh 3:8; Joh 8:34-36. (f) Joh 6:39; 10:28; 2 Tess 3:3; 1 Pet 1:5. (g) Matt 10:30; Luk 21:18. (h) Rom 8:28. (i) 2 Kor 1:22; 5:5; Ef 1:14; Rom 8:16. (k) Rom 8:14;1 Joh 3:3:

____________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________________

Leesprogram

Dag 1 a tot c

Dag 2 d en e

Dag 3 g en h

Dag 4 i

Dag 5 k

Dag 6 Bepeinsing

- Waarom dink jy praat die HK van ENIGSTE troos?

- Hoe sal jy dit aan iemand verduidelik dat dit ‘n troos is om nie aan jouself te behoort nie? Mense wil tog van nature beheer oor hulle eie lewens hê.

- Watter gevolge het Jesus se verlossing in en vir Sy verlostes

- Dink aan ‘n paar situasies waar jy 1 Petrus 1:18 ,19 sinvol sal kan aanhaal.

Vraag 2: Wie is die mense wat saam met my so getroos kan leef en sterf? Mense wat drie dinge verstaan...

(a)Matt 11:28-30; Ef 5:8. (b) Joh 9:41; Matt 9:12; Rom 3:10;1 Joh 1:9;10. (c) Joh 17:3; Hand 4:12 10:43. (d) Ef 5:10; Ps 50:14; Matt 5:16; 1 Pet 2:12; Rom 6:13; 2 Tim 2:15

Leesprogram:

Dag 7 a en b

Dag 8 c en d

Dag 9 Bepeinsing - Stem jy saam: “Mense wat nie hulle ellende verstáán nie, kan nie die verlossingswyse aanváár nie, en kan nie dankbaar lééf nie”

Bespreek hoe ons Romeine 3:10-18 moet verstaan? Immers - Ken jy mense wat volkome só leef?

Ons moet egter baie mooi nadink oor hierdie drie dinge wat ons moet weet om so getroos te kan leef en sterf. Kom ons gaan kyk nou eers na dit wat die Bybel ons leer aangaande die sonde en ellende van alle mense op aarde

Vraag 3: Ek moet in die eerste plek my sonde en ellende ken om getroos te kan leef en sterf. Hoe laat God jou ontdek dat jy sondig, ellendig en verlore is?

___________________________________________________________________________

(a)Rom 3:20.

Dag 10 Bepeinsing:

- Bespreek: “Ek het nie die nodig om die wet in detail te bestudeer om my sonde te ken nie. My gewete sal my aankla” Vgl Ef 4:17-19

- Bespreek nou die woorde van mense wat sê: “Die Heilige Gees is die stemmetjie binne my”

Vraag 4: Wat eis die wet van God van ons as ons die ewige lewe deur wetsonderhouding wil verkry?

Deut 6:5; Lev 19:18; Mark 12:30; Luk 10:27

Dag 11 V&A 4

Bepeinsing

Daar is mense wat God se opdrag tot liefde beskou as vervangend van al die wet se detailvoorskrifte oor dinge soos onder andere die seksuele leefwyse van mense, erediens bywoning, kleredrag ens. Vervang die opdrag tot liefde die Bybel se detailvoorskrifte oor die lewe ? Vergelyk Rom 13:8-10

Vraag 5: Net mense wat volmaak die wet uitleef is dus nie sondig en verlore nie. Kan jy volmaak volgens God se wet leef? Motiveer jou antwoord.

(a)Rom 3:10, 20, 23;1 Joh 1:8, 10. (b) Rom 8:7; 2:3; Tit 3:3; Gen 6:5; 8:21; Jer 17:9; Rom 7:23.

Dag 12 V&A 5

Bepeinsing: Die wêreld glo in die goedheid van die mens. Waarom is dit so gevaarlik om aan so ‘n optimistiese beeld van mense vas te hou? Hoe sal ‘n sielkundige met so ‘n optimistiese beeld van mense sy pasïente eerder van die wal in die sloot help? (Dink weer na oor die gedagte van sonde/verlossing/dankbaarheid)

Vraag 6: Wie se skuld is dit dat ek so sondig is? Het God die mens dan so sondig en verkeerd geskep? Is dit dus Sy skuld dat ek hel toe moet gaan?

a)Gen 1:31. (b) Gen I:26, 27. (c) Ef 4:24; Kol 3 2 Kor 3:18.

Dag 13 V&A 6

Vraag 7: Hoe het dit dan gebeur dat alle mense nou geneig is om te sondig en daarom ellendig en verlore is?

(a)Gen 3; Rom 5:12, 18, 19. (b) Ps 51:7; Gen 5:3

Dag V&A 7

Bepeinsing: Party mense kan V&A 7 vinnig lees, en dalk redeneer dat dit onbillik lyk dat alle mense verlore is as gevolg van die één mens se sonde. Hulle kan dalk aan hulleself dink as onskuldige slagoffers van iemand anders se sonde. Verduidelik hoe jy hulle aangaande die verlore toestand van alle mense sal help om nuut oor die mens en God se genade te begin dink vanuit Rom 5:12 en 15.

Vraag 8: Is ons só in die mag van sonde dat ons glad nie in staat is om iets goeds te doen nie en tot alle kwaad geneig is?

______________________________________________________________________________

(a)Gen 8:21;6:5; Job 14:4; 15:14, 16, 35; Joh 3:6; Jes 53:6. (b) Joh 3:3, 5;1 Kor 12:3; 2 Kor 3:5.

Dag V&A 8

Vraag 9: Die mens is dus in die mag van sonde. Is dit dan nie onregverdig van God as Hy in sy wet van mense eis wat hulle tog nie kan doen nie? Motiveer

(a)Ef 4:24. (b) Gen 3:13; 1 Tim 2:13, 14. (c) Gen 3:6; Rom 5:12.

Dagstuk V&A 9

Vraag 10: Wil God hierdie ongehoorsaamheid en opstand ongestraf laat bly? Motiveer

(a)Gen 2:17; Rom 5:12. (b) Ps 50:21; 5:6; Nah 1:2; Eks 20:5; 34:7; Rom 1:18; Ef 5:6. (c) Deut 27:26; Gal 3:10.

Dagstuk V&A 10

Vraag 11: Maar... sal God nie bloot net barmhartig wees oor al ons sonde nie? Motiveer

(a)Eks 34:6, 7; 20:6. (b) Ps 7:10; Eks 20:5; 23:7; 34:7; Ps 5:5, 6; Nah 1:2, 3.

Dagstuk V&A 11

(Ons besef dus die hooplose en ellendige toestand van ons mense. God kan ons nie net skotvry vrylaat van ons skuld nie. Hoe kan ons dus verlos word van ons sonde en die hel se straf? VRAAG12-85 bespreek die wonder van ons verlossing-PP)

Vraag 12: Ons sien dus dat ons regtig weens ons sonde straf verdien omdat God regverdig is. Die vraag is nou: Hoe kan ons hierdie straf vryspring en weer in genade deur God aangeneem word? Wat eis God?

(a)Gen 2:27; Eks 23:7; Eseg 18:4; Matt 5:26; 2 Tess 1:6; Luk 16:2. (b) Rom 8:4.

Dagstuk V&A 12

Dagstuk Bepeinsing: Lees weer 10-12. Iemand het die volgende standpunt: “God is barmhartig en sal niemand vir ewig hel toe laat gaan nie”.

1) Hoe sal jy hom reghelp uit die Bybel?

2) Wat openbaar so iemand se argument aangaande sy denke oor Jesus

Vraag 13: Kan ons self vir ons sonde betaal? Motiveer

____________________________________________________________________________________________________________________________________________________________

(a)Job 9:2; 15:15, 16; 4:18, 19; Ps 130:3; Matt 6:12; 18:25; 16:26.

Dagstuk V&A 13

Dagstuk Wat het die man wat die koning geld geskud het in Mat 18 duidelik nie verstaan nie? (Vgl v26!)

2) Hoe het dit sy optrede teenoor sy naaste geraak?

DIT BRING ONS NOU BY DIE PUNT WAAR ONS MOET NADINK WAAROM JESUS DIE ENIGSTE EEN IN DIE HEELAL IS WAT ONS KAN VERLOS

Vraag 14: Kan enige ander wese wat deur God geskép is vir ons sonde betaal? Motiveer

(a)Eseg 18:4; Gen 3:17. (b) Nah 1:6; Ps 130:3.

Vraag 15: Watter eienskappe moet iemand dus besit om God se straf vir ons sonde te dra en daarna nog te oorleef om andere te gaan verlos. (Hy moet tog lewend uit die straf kom om sy werk voort te sit om ander mense te gaan verlos nadat hy deur God gestraf is)

(a)1 Kor 15:21: (b) Heb 7:26. (c) Jes 7:14; 9:5; Jer 23:6; Luk 11:22.

Dagstuk V&A 15

Sondag 6

Vraag 16: Waarom moet my verlosser eerstens 'n ware en tweedens ‘n sondelose mens wees?

(a)Eseg 18:4, 20; Rom 5:18; 1 Kor 15:21; Heb 2:14-16. (b) Heb2:26, 27; Ps 49:8; 1 Pet 3:18:

Dagstuk V&A 16

Dagstuk Bepeinsing: God laat nie ‘n dier die sondes dra van mense nie. Ons lees egter tog in die Ou Testament van diere wat geslag is as mense gesondig het! Het hierdie diere nie vir die mense van die Ou Testament se sondes betaal nie? Waarom is hulle dan geslag? Gaan lees Heb 10:1-12 vir antwoorde (v3 en v11 is belangrik).

Vraag 17: Waarom moet my verlosser nie net ‘n ware en sondelose mens wees nie, maar ook waarlik God wees?

(a)Jes 9:5; 63:3; (b) Deut 4:24; Nah 1:6; Ps 130:3. (c) Jes 53:4, 11; (d) Jes 53:5, 11.

Dagstuk V&A 17

Vraag 18: Wie is hierdie Een wat terselfdertyd al bogenoemde eienskappe het, naamlik: ware God (a) én ‘n ware (b) én regverdige mens (c)? (Kyk na al die Skrifgetuienis oor Hom!

_____________________________________

(a)1 Joh 5:20; Rom 9:5; 8:3; Gal 4:4; Jes 9:6; Jer 23:6; Mal 3:1: (b) Luk 1:42; 2:6, 7; Rom 1:3; 9:5; Fil 2:7; Heb 2:14, 16, 17; 4:15. (c) Jes 53:9, 11; Jer 23:5; Luk 1:35; Joh 8:46; Heb 4:15; 7:26; 1 Pet 1:19; 2:22, 3:18. (d) l Tim 2:5; Matt 1:23; 1 Tim 3:16; Luk 2:11; Heb 2:9..(e) 1 Kor 1:30.

Dagstuk a-b

Dagstuk c-e

Dagstuk Kyk of jy vir iemand, nav 12-18, so eenvoudig maar verstaanbaar moontlik kan verduidelik waarom net Jesus sy Verlosser kan wees.

Vraag 19: Hoe weet jy dat net Jesus alleen hierdie Verlosser vir ons is?

Gen 3:15: (b) Gen 22:18; 12:3; 49:10. (c) Jes 53; 42:1-4; 43:25; 49:5, 6, 22, 23; Jer 23:5, 6; 31:32, 33; 32:39-41, Miga 7:18-20; Hand 10:43; 3:22-24; Rom 1:2; Heb 1:1. (d) Heb 10:1, 7; Kol 2:7-8; Joh 5:46. (e) Rom 10:4; Gal 4:4; 3:24; Kol 2:17.

Dagstuk a-c

Dagstuk d-e

Dagstuk Party mense lees wette soos beskryf in Lev 5:17-19 en Lev 18:22 en dink dan dat jy konsekwent moet wees: Of alle wette moet gehou word, of alle wette moet beskou word as Ou Testamenties en dus nie meer van toepassing nie. Verduidelik aan so iemand watter gevolge Jesus se koms op

- die seremoniële wette (bv wette oor offers en reinigingsrituele en strawwe uit die Ou Testament). Heb 10 kan grootliks help. Vgl ook die Nederlandse geloofbelydenis in jou antwoord...

NGB 25 Die seremoniële wet in Christus vervul

Ons glo dat die seremonies en heenwysings van die wet met die koms van Christus opgehou het. Al hierdie wette was soos skaduwees wat jou laat besef het dat die werklike persoon aan wie die skadu behoort enige tyd om die hoek gaan verskyn. Met Jesus se koms het die skaduweewette tot ‘n einde gekom. Die gebruik daarvan moet derhalwe onder die Christene afgeskaf word. Die waarheid en inhoud daarvan bly nogtans vir ons in Christus Jesus bestaan - in Hom het hierdie seremonies en heenwysings juis hulle vervulling. (Ons moet maw hierdie wette bly lees en hulle boodskap vir vandag herverstaan na Jesus se koms. So bv as God ‘n volmaakte lam laat offer het in die Ou Testament, wys dit op 2 dinge vandag: Hy eis ‘n volmaakte offer vir die sonde – Jesus - en Hy is ontevrede met onvolmaakte lewenswyses by sy kinders )

- en die sedewette (die 10 gebooie) gehad het. (Lees Matt 5:17-19)

Sondag 7

Vraag 20: Alle mense het dus in sonde en ellende beland deur Adam se sonde. Word al die mense dan weer deur Christus verlos soos hulle deur Adam verlore gegaan het? Motiveer

____________________________________________________________________________________________________________________________________________

(a)Matt 7:14; 22:14. (b) Mark 16:16; Joh 1:12; 3:16, 18, 36; Jes 53:11; Ps 2:12; Rom 11:20; 3:22; Heb 4:3; 5:9; 10:39; 11:6.

Dagstuk V&A 20

Vraag 21: Dit is daarom vir my nodig om mooi na te dink oor wat ware geloof is, anders bedrieg ek myself deur op ‘n valse manier te glo! Ons moet dus nou die lewensbelangrike vraag oordink –

WAT IS WARE GELOOF?

(a)Jak 2:19. (b) Heb 11:1, 7; Rom 4:18-21; 10:10; Ef 3:12; Heb 4:16; Jak 1:6. (c) Gal 5:22; Matt 16:17; 2 Kor 4:13; Joh 6:29; Ef 2:8; Fil 1:19; Hand 16:14. (d) Rom 1:16; 10:17; 1 Kor 1:21; Hand 10:44; 16:14. (e) Ef 2:8; Rom 3:24; 5:19; Luk 1:77, 78. (f) Rom 1:17; Gal 3:11; Heb 10:10, 38; Gal 2:16.

Dagstuk a-b

Dagstuk c-d

Dagstuk e-f

Dagstuk Bepeinsing: Kies uit a-f vier Skrifgedeeltes wat jy in ‘n gesprek sal gebruik met iemand wat se geloof ‘n bespotting van ware geloof maak

Bespreek: ‘Kennis’ en ‘vertroue’ staan in die kern van ware geloof. Kyk weer mooi wat die HK oor díé twee woorde leer. Gebruik hierdie twee kernwoorde dan om iemand reg te help wat die volgende denkpatrone het -

- Ek voel God sal my nie vergewe oor hierdie sonde uit my verlede nie

- Godsdiens het niks met emosie te make nie.

- Ek dink nie God sal goeie mense uit ander gelowe laat verlore gaan nie

Vraag 22: Wat moet 'n Christen glo, dit wil sê: Wat is ‘n samevatting van dié kennis waarop ons geheel en al moet vertrou ?

(a)Joh 20:31; Matt 28:19; Mark 1:15.

Vraag 23: Hoe vat ons geloofsbelydenis alles saam wat ons met ons hele hart moet glo?

Dagstuk V&A 23-24

Sondag 8

Vraag 24: Hoe word hierdie geloofsbelydenis ingedeel?

Vraag 25: Ons glo tog in net een, unieke God. Waarom praat jy dan van die Vader, Seun en Heilige Gees (a)?

(a)Deut 6:4; Ef 4:6; Jes 44:6; 45:5; 1 Kor 8:4, 6. (b) Jes 61:1; Luk 4:18; Gen 1:2, 3; Ps 33:6; Jes 48:16; Matt 3:16, 17; 28:19; 1 Joh 5:7; Jes 6:1, 3; Joh 14:26; 15:26; 2 Kor 13:13; Gal 4:6; Ef 2:l8; Tit 3:5, 6.

Dagstuk V&A 25

Sondag 9

Vraag 26: Wat bedoel jy as jy sê: Ek glo in God die Vader, die Almagtige, die Skepper van die hemel en die aarde?

(a)Gen 1 en 2; Eks 20:11; Job 33:4, 38, 39; Hand 4:24; 14:15; Ps 33:6; Jes 45:7. (b) Heb 1:3; Ps 104:27-30; 115:3; Matt 10:29; Ef 1:11: (c) Joh 1:12; Rom 8:15; Gal 4:5-7; Ef 1:5. (d) Ps 55:23; Matt 6:25, 26; Luk 12:22. (e) Rom 8:28: (f) Jes 46:4; Rom 10:12. (g) Matt 6:32, 33; 7:9-11.

Dagstuk a-b

Dagstuk c-d

Dagstuk e-g

Dagstuk Bepeinsing Ons lees van God wat alles beskik, Satan se werk en die mens se sondige keuses. Lees weer Job 1 en 2 en probeer verwoord wat ons daar leer rondom dit alles

Sondag 10

Vraag 27: Iemand vra my dalk: “Wat presies glo jy oor God se voorsienigheid?”

(a)Hand 17:25-28; Jer 23:23, 24; Jes 29:15, 16; Eseg 8:12. (b) Heb 1:3. (c) Jer 5:24; Hand 14:17. (d) Joh 9:3. (e) Spr 22:2. (f) Matt 10:29; Spr 16:33.

Dagstuk a-b

Dagstuk c-f

Vraag 28: Besef ons werklik watter groot troos dit is dat ons kan glo dat God alles gemaak het en nog steeds deur Sy voorsienigheid regeer? Kom ons dink na oor hierdie troos...

(a)Rom 5:3; Jak 1:3; Ps 39:10; Job 1:21, 22. (b) 1 Tess 5:18; Deut 8:10. (c) Ps 55:23; Rom 5:4. (d) Rom 8:38, 39. (e) Job 1:12; 2:6; Spr 21:1; Hand 17:2.

Dagstuk a-b

Dagstuk c-e

Kom ons kyk nou verder na dit wat ons glo...

Sondag11

Vraag 29: Ons glo ook in Jesus...maar waarom is Sy naam juis “Jesus”, wat “verlosser” beteken?

(a)Matt 1:21; Heb 7:25. (b) Hand 4:12; Joh 15:4, 5; 1 Tim 2:5; Jes 43:11; 1 Joh 5:11.

Dagstuk a-b

Dagstuk Bepeinsing: Het jy Mat 1:21 mooi gelees? Dit is baie betekenisvol dat Jesus nie net vaagweg ‘n algemene Verlosser genoem word nie...

- Dink na of jy saamstem met die volgende stelling: “Baie mense dink verkeerd oor die soort verlossing wat Jesus in die mens se lewe bring, en daarom kan hulle in die leuens van Satan verstrik raak.”

Vraag 30: Daar is egter mense wat heeltemal verkeerd dink as dit by die verlore mens se verlossing kom.

Party dink dat hulle hulself kan verlos.

Ander hoop weer op “heiliges” soos Maria se voorbidding. Nog anderes dink dat daar dalk ander maniere is om die ewige lewe te verkry. Hierdie mense sê egter omtrent almal dat hulle ook in Jesus glo. Die vraag is:

Kan ‘n mens op hulle manier in Jesus glo en steeds verlos word?

(a)1 Kor 1:13, 30, 31; Gal 5:4..(b) Heb 12:2; Jes 9:6; Kol 1:19, 20; 2:10; 1 Joh 1:7.

Dagstuk a-b

Sondag12

Vraag 31: Waarom noem ons Jesus “die Christus”? (Christus beteken Gesalfde)

( Dit sal goed wees as jy in die Bybel mooi gaan oplees wat die rol van profete, priesters en konings in die Ou Testament was. Dan eers sal jy die wonder van Jesus se salwing verstaan en werklik met jou lewe wys jy ken Hom as “Christus”-PP)

(a)Ps 45:8; Heb 1:9; Jes 61:1; Luk 4:18. (b) Deut 18:15; Hand 3:22; 7:37; Jes 55:4. (c) Joh 1:18; 15:15. (d) Ps 110:4. (e) Heb 10:12, 14; 9:12, 14, 28. (f) Rom 8:34; Heb 9:24; 1 Joh 2:1; Rom 5:9, l0. (g) Ps 2:6; Sag 9:9; Matt 1:5; Luk l:33; Matt 28:18; Joh 10:28 Op 12:10, 11.

Dagstuk a-c

Dagstuk d-f

Dagstuk g

Dagstuk Bepeinsing: Dit is baie belangrik om mooi te verstaan waarvoor God Sy Seun gesalf het-

- Party mense dink (miskien onbedoeld!) op die volgende maniere oor Jesus: Hulle dink aan Hom as die een wat in hulle lewe hulle Leraar en Koning is, maar hulle dink nie altyd aan Hom as hulle Hoëpriester nie. Dink oor voorbeelde van sulke denkpatrone in mense se daaglikse lewe

- Ander dink aan Hom as hulle Hoëpriester, maar dink nie altyd dat Hy die Koning van hulle lewens is nie. Dink ook oor voorbeelde van sulke denkpatrone.

- Kan ons dan nog sê dat sulke mense Jesus regtig ken en aanbid as die Christus?

Vraag 32: Waarom word jy 'n Christen genoem (a)?

(a)Hand 11:26. (b) 1 Kor 6:15. (c) 1 Joh 2:27; Hand 2:17. (d) Matt 10:32; Rom 10:10. (e) Rom I2:1; 1 Pet 2:5, 9; Op 1:6; 5:8, 10. (f) 1 Pet 2:11; Rom 6:12, 13;. Gal 5:16, 17; Ef 6:11; 1 Tim 1:18, 19. (g) 2 Tim 2:12; Matt 25:34.

Dagstuk a-c

Dagstuk d-e

Dagstuk f-g

Sondag 13

Vraag 33: Waarom word Christus die eniggebore Seun van God genoem terwyl ons tog ook kinders van God is?

(a)Joh 1:14; Heb 1:1, 2; Joh 3:16;1 Joh 4:9; Rom. 8:32. (b) Rom 8:16; Joh 1:12; Gal 4:6; Ef 1:5, 6.

Dagstuk a-b

Vraag 34: Waarom noem jy Hom ons Here?

(a)1 Pet 1:18, 19; 2:9; 1 Kor 6:20; 1 Tim 2:6; Joh 20:28.

Dagstuk a

Sondag 14

Vraag 35: Nadat ons Jesus bely het as ons Here, bely ons dan twee sake in dieselfde asem – ons bely dat Jesus ontvang is van die Heilige Gees én gebore is uit die maagd Maria? Waarom voeg ons die twee sake saam?

(a)1 Joh 5:20; Joh l:l; 17:3; Rom 1:3, Kol 1:15. (b) Rom 9:5. (c) Gal 4:4; Luk 1:31, 42, 43. (d) Matt 1:20; Luk 1:35. (e) Rom 1:3; Ps 132:11; 2 Sam 7:12; Luk 1:32; Hand 2:30. (f) Fil 2:7; Heb 2:14, 17. (g) Heb 4:15.

Dagstuk a-c

Dagstuk d-g

Vraag 36: Watter voordeel het dit vir jou en my dat Jesus op so ‘n unieke wyse in die wêreld gekom het?

______________________________________________________________________

____________________________________________________________________________________________________________________________________________

(a)Heb 7:26, 27. (b) 1 Pet 1:18, 19; 3:18; 1 Kor 1:30, 31; Rom 8:3, 4; Jes 53:11; Ps 32:1.

Dagstuk a-b

Sondag 15

Vraag 37: Ons bely dat Jesus gely het. Besef ons werlik die verskriklike lyding wat Hy ter wille van ons deurgegaan het?

(a)Jes 53:4; 1 Pet 2:24; 3:18; 1 Tim 2:6. (b) Jes 53:10; Ef 5:2; 1 Kor 5:7; 1 Joh 2:2; Rom 3:25; Heb 9:28; 10:14. (c) Gal 3:13; Kol 1:13; Heb 9:12; 1 Pet 1:18, 19. (d) Rom 3:25; 2 Kor 5:21; Joh 3:16; 6:51; Heb 9:15; 10:19.

Dagstuk a-b

Dagstuk c-d

Dagstuk Bepeinsing: Die wêreld roep uit: “Waar is julle God van genade en liefde as daar lyding in die lewe is (bv rampe/siekte/doodsverlies) ?” Hoe help jy ‘n wêreldling om in die lig van V&A 37 die wonder van God se genade in hulle diepste lyding te ontdek?

Vraag 38: Waarom noem ons die feit dat Jesus juis onder die regter Pontius Pilatus gely het? Wat is so belangrik aan hierdie feit dat dit in ons geloofbelydenis teenoor die wêreld genoem moet word?

(a)Joh 18:38; Matt 27:24; Luk 23:14, 15; Joh 19:4. (b) Ps 69:5; Jes 53:4, 5; 2 Kor 5:21; Gal 3:13.

Dagstuk a-b

Vraag 39: Jesus is gekruisig. Waarom is dit belangrik dat Hy gekruisig is en nie op ‘n ander wrede manier doodgemaak is nie?

(a) Gal 3:13. (b) Deut 21:23.

Dagstuk a-b

Sondag 16

Vraag 40: Waarom was dit noodsaaklik dat Christus Hom tot in die dood toe verneder het?

(a)Gen 2:17. (b) Rom 8:3, 4; Heb 2:14, 15.

Dagstuk a-b

Vraag 41: Waarom is Hy begrawe?

(a)Hand 13:29; Matt 27:59, 60; Luk 23:53; Joh 19:38.

Dagstuk a

Vraag 42: As Jesus dan vir ons gesterf het, waarom moet ons ook nog sterwe?

(a)Mark 8:37; Ps 49:8. (b) Fil 1:23; Joh 5:24; Rom 7:24.

Dagstuk a-b

Vraag 43: Watter ander voordeel is daar nog vir ons as gevolg van die offer en dood van Jesus aan die kruis?

(a)Rom 6:6. (b) Rom 6:6, 12. (c) Rom 12:1.

Dagstuk a-c

Dagstuk

-Vraag 43 bevat een van die mees radikale en wonderlike gedagtes oor die boodskap van die kruis. Baie mense wat beweer dat hulle in Jesus glo, besef nie hierdie radikale implikasie van geloof in die kruisgebeure nie - as ek in Jesus en die kruisgebeure glo, glo ek dat ek as gelowige dood is...vir sonde. Glo jy dit? Gaan lees buiten Rom 6, ook nog Efes 4:22-24 aangaande hoe jou denke nou moet lyk as “dooie”

-Verduidelik aan iemand die volgende stelling: Die kruisgebeure het nie net vir ons plaasgevind nie, maar in die geloof het dit mét ons gebeur

Vraag 44: Waarom volg daar: en neergedaal het na die hel?

(a)Jes 53:5. (b) Ps 18:5, 6; 116:3; Matt 26:38; 27:46 Heb 5:7

Dagstuk a-b

Sondag 17

Vraag 45: Watter voordeel het Jesus se opstanding uit die dood vir ons?

(a)Rom 4:25; 1 Pet 1:3; 1 Kor 15:16. (b) Rom 6:4; Kol 3:1, 5; Ef2:5, 6. (c) 1 Kor 15:20, 21.

Dagstuk a-c

Dagstuk Dink weer na oor die voordele van Jesus se opstanding vir ons as gelowiges –

- Is jy oortuig dat gelowiges ewe veel in die geloof dink aan elkeen van hierdie voordele?

- Indien nie, watter voordeel dink jy weeg nie eintlik so swaar soos die ander voordele in die denke van gelowiges nie?

Sondag 18

Vraag 46: Wat verstaan jy onder die woorde: “wat opgevaar het na die hemel”?

(a)Hand 1:9; Mark 16:19; Luk 24:51: (b) Heb 9:24; 4:14; Rom 8:34; Kol 3:1. (c) Hand 1:11; Matt 24:30.

Dagstuk a-c

Vraag 47: As Jesus dan in die hemel is, beteken dit dat Hy dan nie meer by ons is tot die einde van die wêreld, soos Hy ons beloof het nie (a)?

(a)Matt 28:20. (b) Heb 8:4; Matt 26:11; Joh 16:28; 17:11; Hand 3:21. (c) Joh 14:18; Matt 28:20

Dagstuk a-c

Hierdie baie vrae oor Jesus se mensheid en Godheid kan onnodig lyk vir party mense, daarom is dit miskien nodig om op hierdie stadium op te merk dat die HK alle Godslasterlike vrae en stellings aangaande Jesus ‘n nekslag wil indien. Stellings soos bv: “Jesus is net ‘n buitengewone mens gewees”, of aan die anderkant - “God het nooit regtig mens geword en alles deurgegaan en beleef soos ‘n mens nie. Dit was maar net skyn dat Hy gely het ens.”- PP

Vraag 48: Maar as die mensheid nie oral is waar die Godheid is nie, word die twee nature in Christus dan nie van mekaar geskei nie?

(a)Jer 23:24; Hand 7:49. (b) Kol 2:9; Joh 3:13; 11:15; Matt 28:6.

Dagstuk a-b

Vraag 49: Watter voordele het die hemelvaart van Christus vir ons?

(a)1 Joh 2:1; Rom 8:34. (b) Joh 14:2; 17:24; 20:17 2:6. (c) Joh 14:16; 16:7; Hand 2:33; 2 Kor 1:22; 5:5 (d) Kol 3:1.

Dagstuk a-b

Dagstuk c-d

Dagstuk Bepeinsing:

Kyk of jy nav V&A 49 iemand sal kan reghelp wat dink dat dit beter sou gewees het om soos die dissipels Jesus elke dag te kon sien. Sulke mense dink slegs daaraan dat hulle dan elke dag hulle vrae direk aan Jesus sou kon stel...(Vgl ook Petrus voor en na Jesus se hemelvaart). Sal jy hom kan reghelp?

Sondag 19

Vraag 50: Ons dink volgende na oor die woorde: “en sit aan regterhand van God”. Waarom voeg die belydenis hierdie sinnetjie doelbewus by?

(a)Ef 1:20-23; Kol 1:18. (b) Matt 28:18; Joh 5:22.

Vraag 51: Watter voordeel bring hierdie heerlikheid van ons Hoof Jesus vir ons?

(a)Hand 2:33; Ef4:8. (b) Ps 2:9; 110:1, 2; Joh 10:28: Ef 4:8.

Vraag 52: “...vanwaar Hy sal kom om te oordeel...” Hoe word jy getroos deur die wederkoms van Christus om die lewendes en die dooies te oordeel?

(a)Fil 3:20; Luk 21:28; Rom 8:23; Tit 2:13; 1 Tess 4:16. (b) Matt 25:41; 2 Tess 1:6. (c) Matt 25:34; 2 Tess 1:7.

Sondag 20

Vraag 53: Wat glo jy van die Heilige Gees?

(a)1 Joh 5:7; Gen 1:2; Jes 48:16;1 Kor 3:16; 6:19; Hand 5:3, 4. (b) Gal 4:6; Matt 28:19, 20; 2 Kor 1:22 ; Ef 1:13. (c) Gal 3:14;1 Pet 1:2;1 Kor 6:17. (d) Joh 15:26; Hand 9:31. (e) Joh 14:16;1 Pet 4:14.

Bespreek: Hoe weet jy of jy die HG ontvang het? Moet jy ‘n sekere ervaring deurloop het? Hoe help 1 Kor 12:3 jou om ‘n antwoord te kry.

Dikk weer na oor die verskil tussen die HG se stem, en jou gewete.

Sondag 21

Vraag 54: Wat glo jy van die heilige, algemene, Christelike kerk?

(a)Ef 5:26; Joh 10:11; Hand 20:28; Ef 4:11-13. (b) Gen 26:4; Op 5:9. (c) Rom 8:29; Ef 1:10-13. (d) Jes 59:21; Rom 1:16; 10:14-l7; Ef 5:26. (e) Hand 2:42, Ef4:3-5. (f) Ps 71:17, 18; Jes 59:21; 1 Kor 11:26. (g) Matt 16:18; Joh 10:28-30; Ps 129:1-5. (h) 1 Joh 3:I4, 19-21; 2 Kor 13:5; Rom 8:l0. (i) Ps 23:6; 1 Kor 1:8, 9; Joh 10:28; 1 Joh 2:19; 1 Pet 1:5.

Bespreek prakties: Daar is strukturele eenheid in ‘n kerkverband, en daar is eenheid in waarheid.

Watter belangrike rol speel die “ampte” volgens Efes 4 in die kerk ten opsigte van ware eenheid

Vraag 55: Ons bely “die gemeenskap van die heiliges”. Hoe raak hierdie woorde jou lewe?

(a)1 Joh 1:3; Rom 8:32; 1 Kor 12:12, I3; 1 Kor 6:17. (b) 1 Kor 12:21; 13:1, 5; Fil 2:4-8.

Bepeinsing: Iemand verklaar: “Geen kerk sal my in die hemel bring nie” of “Ek verafsku die spul skynheiliges by die kerk, en ek kry goeie boodskappe op TV en die radio. Ek gaan dus nie meer ‘kerk’ toe nie”

Help so ‘n persoon aan die hand van vraag 54 en 55 se antwoorde en Skrifgedeeltes om nuwe insig in God se wil te kry. Noem minstens 3 dinge wat sy denke sal verander...(Let veral op na Jesus se werk met Sy kerk)

Vraag 56: Wat glo jy van die vergewing van die sondes?

(a)1 Joh 2:2; 1:7; 2 Kor 5:19. (b) Rom 7:23-25; Jer 31:34; Miga 7:19; Ps 103:3, 10, 12. (c) Joh 3:18; 5:24.

Dagstuk a-c

Sondag 22

Vraag 57: Watter troos gee die opstanding van die liggaam aan jou?

(a)Luk 16:22; 23:43; Fil 1:21, 23. (b) Job 19:25, 26; 1 Joh 3:2; Fil 3:21.

Dagstuk a-c

Dagstuk

Bepeinsing: Watter Skrifgedeeltes vol troos sal jy gebruik in ‘n gesprek met iemand wat glo dat hulle geliefdes wat gesterf het, in ‘n onbewuste slaaptoestand verkeer tot die wederkoms van die Here Jesus?

Vraag 58: Watter troos skep jy uit die artikel van die ewige lewe?

(a) 2 Kor 5:2, 3. (b) 1 Kor 2:9.

Dagstuk a-b

Dagstuk

Gaan lees Openbaring 21 en dink na oor die troos van al die volgende beelde oor die ewigheid –

- Die andersheid van die “nuwe” Jerusalem teenoor die huidige toestand

- Wat wil die simboliese taal leer as gepraat word van Jerusalem wat uit die hemel daal. Dis tog nie huise en winkels en mure wat ons hier aan moet dink nie

- “God op die troon” wil tog nie letterlik dui op ‘n koud onbetrokke en onbereikbaarheid van ‘n God wat letterlik op ‘n troon sit op die nuwe aarde nie. Watter troos wil Openbaring met hierdie beeld aan ons bring te midde van mense wat elkeen oor ander wil heers.

- Dink oor die beeld van “’n bruid” wat gebruik word

Sondag 23

Vraag 59: Maar watter voordeel hou dit vir jou in dat jy in die waarheid van al bogenoemde dinge (vraag 22-58) glo ?

____________________________________________________________________________________________________________________________________________________________

(a)Hab 2:4; Rom 1:17; Joh 3:36.

Dagstuk GLO JY DIT ALLES?

Vraag 60: Dink weer mooi hieroor: Hoe, om presies te wees, is jy regverdig voor God?

(a)Rom 3:21, 22, 24; 5:1, 2; Gal 2:16; Ef 2:8, 9; Fil 3:9. (b) Rom 3:9. (c) Rom 7:23. (d) Rom 4:4; 2 Kor 5:19. (e) Tit 3:5; Deut 9:6; Eseg 36:22. (f) Rom 3:24; Ef 2:8. (g) 1 Joh 2:2. (h) 1 Joh 2:1. (i) 2 Kor 5:21. (j) Rom 3:22; Joh 3:18.

Dagstuk a

Dagstuk b-d

Dagstuk e-f

Dagstuk g-j

Vraag 61: Ons dink nou na oor ‘n saak waaroor daar baie misverstand is – Ons sê maklik dat ons net deur die geloof regverdig verklaar word. Dit is so, maar verstaan mooi wat ons daarmee bedoel...

(a)1 Kor 1:30; 2:2. (b) 1 Joh 5:10.

Dagstuk a-b

Dagstuk

Bepeinsing: Dink oor die volgende stelling: Party mense vertrou op hulle geloof in God. Party mense vertrou op die God van die geloof. Die eerste groep is eintlik net soos die Fariseërs wat vertrou het op hulle goeie werke en verlore gegaan het. Vergelyk Lukas 22:32 in jou bepeinsing.

Sondag 24

Vraag 62: Die logiese vraag is nou: Kan ons goeie werke nie help dat ons deur God regverdig verklaar word nie ?

(a)Gal 3:10; Deut 27:26: (b) Jes 64:6.

Dagstuk a-b

Vraag 63: Verdien ons goeie werke dan regtig niks nie? Die Bybel praat tog daarvan dat God ons goeie werke in hierdie lewe, sowel as in die toekomstige lewe wil beloon. Hoe verstaan ons dit?

______________________________________________________________________________

(a)Luk 17:10

Dagstuk a

Vraag 64: Ons het die aanvoeling dat hierdie leer deur mense verkeerd verstaan kan word. Sal gelowige mense nie hierdeur onverskillig en roekeloos begin sondig nie? Sal gelowiges nie bloot dink: Ek word tog net uit genade gered so daarom kan ek maar sondig? (Let wel, ons dink hier oor gelówige mense se denke, en nie oor skynchristene se denke nie-PP)

(a)Matt 7:18; Joh 15:5.

Dagstuk a

Verdere bepeinsing:

Moedswilliges verstaan altyd en geriefshalwe die Bybelse leer van genade en onverdienstelikheid verkeerd. Hulle verstaan graag hierdie leer van genade op so ‘n wyse dat dit hulle ‘n verskoning gee om sonde te doen.

Lees nou ook Rom 3:3-8 – Kyk hoe Paulus in vers 8 reageer in reaksie op mense wat hom doelbewus verkeerd verstaan. Mense wat verskonings vir hulle sondes wil vind vanuit Paulus se lering dat die mens se sondigheid in ‘n bepaalde sin dien tot God se eer.

Sondag25

Vraag 65: Slegs deur geloof word dit wat Jesus vir ons bewerk het, aan ons geskenk. Maar waar kom só ‘n geloof dan vandaan?

(a)Ef 2:8; 6:23; Joh 3:5; Filp 1:29. (b) Matt 28:19; 1 Pet 1:22-23.

Dagstuk a-b

Dagstuk

Bepeinsing: Dink weer mooi oor die antwoord van vraag 65 - Hoe sal jy iemand antwoord wat sê dat God Sy uitverkorenes self sal verlos, en dat sendingwerk dus nie nodig is nie?

Vraag 66: Dit bring ons by die punt waar ons moet nadink oor die sakramente. Wat is sakramente? (Baie kerkgroeperinge verstaan die sakramente se doel op ‘n verkeerde en bygelowige manier. Dit lei tot chaos en bitterheid tussen christene-PP)

(a)Gen 17:11; Rom 4:11; Deut 30:6; Lev 6:25; Heb 9:7-9, 24; Eseg 20:12; Jes 6:6, 7; 54:9

Dagstuk a

[1]Vraag 67 : Kan ons dus aflei dat beide die Woord en die sakramente die een groot doel het, naamlik om ons geloof op Jesus se offer as die enigste rede vir ons verlossing te rig?

(a)Rom 6:3; Gal 3:27.

Dagstuk a

Vraag 68: Hoeveel sakramente het Jesus in die Nuwe Testament ingestel?

______________________________________________________________________________

Dagstuk

Bepeinsing: Lees weer 66-68 se antwoorde; Met bogenoemde verstaan van die sakramente in ag geneem, hoe sal jy iemand antwoord wat beweer dat jy nie die ewige lewe sal ontvang as jy nie gedoop is nie?

Sondag 26

Vraag 69: Hoe rig die doop jou geloof op die troos van Jesus se offer vir jou?

(a)Matt 28:19. (b) Matt 28:19; Mark 16:16; Hand 2:38; Joh 1:33; Matt 3:11; Rom 6:3, 4. (c) 1 Pet 3:21; Mark 1:4; Luk 3:3.

Dagstuk a-c

Vraag 70: In die vorige vraag het ons gepraat van die “wassing deur die bloed en Gees” - Wat beteken dit om met die bloed en Gees van Christus gewas te wees?

(a)Heb 12:24; 1 Pet 1:2; Op 1:5; 7:14; Sag 13:1; Eseg 36:25. (b) Joh 1:33; 3:5; 1 Kor 6:11; 12:13; Rom 6:4; Kol 2:12.

Dagstuk a

Dagstuk b

Vraag 71: Waar het Jesus ons belowe dat Hy ons net so seker met sy bloed en Gees wil was as wat ons met die doopwater gewas word?

Lees bloot HK se antwoord

Dagstuk V&A 71

Sondag 27

Vraag 72: Pasop nou vir ‘n groot misverstand - Word ons sondes dan tydens die doopproses afgewas?

(a)Matt 3:11; 1 Pet 3:21; Ef 5:26. (b) 1 Joh 1:7; 1 Kor 6:11.

Dagstuk a-b

Vraag 73: Nou kan ons dalk begin wonder: Waarom noem die Heilige Gees die doop self dan “bad van die wedergeboorte” en “afwassing van die sondes”?

Lees die HK se antwoord

Dagstuk V&A 73

Verdere bepeinsing

In Matt 26:28 noem Jesus die wyn Sy bloed. Ons dink tog nie dat die wyn LETTERLIK Sy bloed is nie. Net so verkeerd is dit om te dink die doop is LETTERLIK die bad van wedergeboorte. As die doop “die bad van wedergeboorte” genoem word, is dit dus om ons die erns van die boodskap van die doop te laat oordink. Wanneer die gedoopte tot geloof kom, word al die dinge waarna die doop heenwys vir hom/haar waar, naamlik jy is nou as gelowige deur Jesus se bloed gewas van sonde. Jy as gelowige is daarom saam met Jesus dood vir sonde en lewend vir God (ROM 6). Die doop doen dus NIE al hierdie dinge op outomatiese en geheimsinnige wyse NIE. Hierdie dinge word eers waar as die gedoopte deur die werk van die Heilige Gees TOT GELOOF KOM. Ons lees immers in die Bybel van gedooptes wat verlore gegaan het. Hulle doop het dus nie veroorsaak dat hulle outomaties weergebore is nie. Vgl byvoorbeeld hoe 1Joh 2:18 en 19 praat van gemeentelede (gedooptes dus!) wat later ontmasker is as antichriste - PP)

Vraag 74: Jy sal waarskynlik na hierdie besprekings die volgende vraag maklik kan beantwoord: Moet babas ook gedoop word?

(a)Gen 17:7. (b) Matt 19:14. (c) Luk 1:15; Ps 22:11; Jes 44:1-3; Hand 2:39. (d) Hand 10:.47. (e) Gen 17:14. (f) Kol 2:11-I3.

Dagstuk a-c

Dagstuk d-f

Sondag 28

Vraag 75: Jy word gevra om aan iemand te verduidelik hoe die nagmaal jou daarop wys en jou daarvan verseker dat ook jy deel het aan die voorregte wat Jesus se offer vir ons bewerk het. Hoe sal jy dit verduidelik?

(a)Matt 26:26-28; Mark 14:22-24; Luk 22:19, 20; 1 Kor 10:16, 17; 11:23-25; 12:13.

Dagstuk a

Vraag 76: Wat beteken dit om die gekruisigde liggaam van Christus te eet en sy bloed wat vergiet is, te drink?

(a)Joh 6:35, 40, 47, 48, 50, 51, 53, 54. (b) Joh 6:55, 56. (c) Ef 5:29, 30; 3:16; 1 Kor 6:15; 1 Joh 3:24; 4:13. (d) Kol 3:1; Hand 3:21; 1 Kor 11:26. (e) Joh 6:57; 15:1-6; Ef4:l5, l6.

Dagstuk a-b

Dagstuk c

Dagstuk d-e

Vraag 77: Waar het Jesus beloof dat Hy die gelowiges net so seker met sy liggaam en bloed sal voed en verkwik as wat hulle van hierdie gebreekte brood eet en uit hierdie beker drink?

Lees net die HK se antwoord

(a)Matt 26:26-28; Mark 14:22-24; Luk 22:19, 20.

Dagstuk a

Sondag 29

Vraag 78: Verander die brood en wyn dan in die werklike liggaam en bloed van Christus? So glo die Rooms Katolieke Kerk immers...

(a)Matt 26:29. (b) Ef 5:26; Tit 3:5. (c) 1 Kor 10:16; 11:26. (d) Gen 17:10, 11; Eks 12:11, 13; 13:9; 1 Pet 3:21; 1 Kor 10:3, 4.

Dagstuk a-c

Dagstuk d

Vraag 79: Waarom noem Jesus dan die brood sy liggaam en die beker sy bloed of die nuwe Testament in sy bloed en waarom noem Paulus dit die gemeenskap met die liggaam en bloed van Jesus?

(a)Joh 6:55. (b) 1 Kor 10:16.

Dagstuk a-b

Sondag 30

Vraag 80: Wat is die onderskeid tussen die nagmaal van die Here en die Rooms Katolieke Kerk se viering van die mis?

(a)Heb 10:10, 12; 7:26, 27; 9:12, 25; Joh 19:30; Matt 26:28; Luk 22:19. (b) 1 Kor 10:16, 17; 6:17. (c) Joh 20:17; Kol 3:1; Heb 1:3; 8:1. (d) Matt 6:20, 21; Joh 4:21; Luk 24:52; Hand 7:55; Kol 3:1; Fil 3:20; 1 Tess 1:10. (e) Heb 9:26;10:12, 14.

Vraag 81: Wie moet na die nagmaalstafel van die Here kom?

(a)1 Kor 11:28; 10:19-22.

Dagstuk a

Verdere bepeinsing: Bespreek nou die volgende verkeerde standpunt –

- “Ek glo in Jesus, maar ek gebruik nie nagmaal nie. Ek is nie waardig om by die tafel aan te sit nie, want ek haat my kind se moordenaar” ( Vgl eerstens Matt 5:22-24 en dink tweedens baie mooi na oor wat iemand eintlik onwetend sê as hy homself van die tafel van die Here weghou oor sonde) .

Vraag 82: Moet die mense ook aan die nagmaal toegelaat word wat met hulle woorde en dade wys dat hulle ongelowig en goddeloos is?

(a)1 Kor 11:20, 34; Jes 1:11; 66:3; Jer 7:21; Ps 50:16.

Dagstuk a

Sondag31

Vraag 83: Maar wat is hierdie “sleutels van die koninkryk van die hemel”?

Antwoord: Die eerste sleutel is die verkondiging van die evangelie aangaande Jesus. Die tweede sleutel is die Christelike tug. Met albei hierdie handelinge word die koninkryk van die hemel vir die gelowiges oopgesluit en vir die ongelowiges toegesluit.

Vraag 84: Die logiese vraag is nou: Hóé word die koninkryk van die hemel deur die verkondiging van die evangelie oop- en toegesluit?

(a) Joh 20:21-23; Matt 16:19.

(b) Dagstuk a

Vraag 85: Kom ons kyk ook mooi Hoe die koninkryk deur die Christelike tug toe- en oopgesluit word vir mense...

(a)Matt 18:15-17; 1 Kor 5:4, 5, 11; 2 Kor 2:6-8.

Dagstuk a

Dagstuk bepeinsing:

“Jy mag nie oordeel nie” (Matt 7:1) en “Oordeel die wat binne die gemeente is” (1 Kor 5:12). Bespreek die tipe oordeel wat die Woord beveel, en die tipe oordeel wat die Woord verbied in die lig van hierdie 2 gedeeltes se kontekste.(“Oordeel” kan ook vertaal word met “besluit neem” in baie gevalle waar die Bybel hierdie Griekse woord gebruik)

Sondag 32

Vraag 86: Ons weet dat ons goeie werke geen verdienste het by God nie. Die vraag ontstaan by sommige mense waarom ons dan nog steeds goeie werke moet bly doen?

(a)Rom 6:13; 12:1, 2; 1 Pet 2:5, 9; 1 Kor 6:20. (b) Matt 5:16; 1 Pet 2:12. (c) 2 Pet 1:10; Matt 7:17 Gal 5:6, 22. (d) 1 Pet 3:1, 2; Rom 14:19.

Dagstuk a-b

Dagstuk c-d en gaan lees weer V&A 64

Vraag 87: Word mense wat in hulle goddelose, ondankbare lewe volhard en hulle nie tot God bekeer nie, dan nie verlos nie?

(a)1 Kor 6:9, 10; Ef 5:5, 6;1 Joh 3:14.

Dagstuk a

Sondag 33

Vraag 88: Net bekeerdes word dus gered. Wat beteken dit om jou waarlik te bekeer ?

(a)Rom 6:1, 4-6; Efes 4:22-24; Kol 3:5, 6, 8-10; 1 Kor 5:7; 2 Kor 7:10.

Dagstuk a

Vraag 89: Wat is “die afsterwing van die ou mens”?

(a)Rom 8:13; Joël 2:13; Hos 6:1.

Dagstuk a

Vraag 90: Wat is die opstanding van die nuwe mens?

(a)Rom 5:1; 14:17; Jes 57:15. (b) Rom 6:10, 11; Gal 2:20.

Dagstuk a-b

Dagstuk bepeinsing

In die lig van dit wat ons in 88-90 geleer het oor bekering, bespreek die volgende standpunt: “Elke mens moet ‘n dag en datum kan gee waar hy tot bekering gekom het, anders is jy nie ‘n kind van God nie”

Vraag 91: Wat is goeie werke?

(a)Rom 14:23. (b) Lev 18:4; 1 Sam 15:22; Ef 2:10. (c) 1 Kor 10:31. (d) Eseg 20:18, 19; Jes 29:13; Matt 15:7-9.

Dagstuk a-b

Dagstuk c-d

Dagstuk

Bepeinsing: Kan Moslems goeie werke doen in die lig van vraag 91 se antwoord?

Sondag 34

Vraag 92: Goeie werke moet volgens God se wet gedoen word. Hoe lui hierdie wet van die Here?

Lees bloot Eks 20

Vraag 93: Hoe word hierdie gebooie ingedeel?

(a)Deut 4:13; Eks 34:28; Deut 10:3, 4. (b) Matt 22:37, 40.

Dagstuk a-b

Vraag 94: Wat beveel God ons in die eerste gebod?

(a)1 Joh 5:21; 1 Kor 6:10; 10:7, 14. (b) Lev 19:31 Deut 18:9, 10, (c) Matt 4:10; Op 19:10; 22:8, 9. (d) Joh 17:3. (e) Jer 17:5, 7. (f) 1 Pet 5:5. (g) Heb 10:36; Kol l:11; Rom 5:3, 4; I Kor 10:10; Fil 2:14. (h) Ps 104:27; Jes 45:7; Jak 1:17. (i) Deut 6:5; Matt 22:37. (j) Deut 6:2; Ps 111:10; Spr 1:7; 9:10; Matt 10:28. (k) Matt 4:10; Deut 10:20. (1) Matt 5:29; 10:37; Hand 5:29.

Dagstuk a-c

Dagstuk d-g

Dagstuk h-i

Dagstuk j-l

Vraag 95: Die eerste gebod gaan dus veel dieper as die letterlike aanbid van afgode. Kortom kan ons afgodery as volg saamvat...

(a)Ef 5:5; 1 Kron 16:26; Fil 3:19; Gal 4:8; Ef 2:12; 1 Joh 2:23; 2 Joh 9; Joh 5:23.

Dagstuk a

Dagstuk bepeinsing:

Kyk weer na die besprekings hierbo. Hoe weet jy as iemand se vrou/man/kind/geld vir hom/haar ‘n god geword het?

Sondag 35

Vraag 96: Wat beveel God ons in die tweede gebod?

(a)Jes 40:18, 19, 25; Deut 4:15, 16; Rom 1:23; Hand 17:29. (b) 1 Sam 15:23; Deut 12:30; Matt 15:9.

Dagstuk a

Dagstuk b

Bepeinsing: 1) Wat is die verskil tussen die eerste en tweede gebod? (Kernwoorde as leidrade: ‘Wie’ en ‘hoe’)

2) Kom ons dink na in die lig van vraag 96 se antwoord: Wat het Matt 4:4 met die tweede gebod te make?

Dit laat ons by ‘n volgende ernstige vraag: Hoeveel beeldaanbidders ken jy?

Vraag 97: Mag ons dan glad nie beelde maak nie?

(a)Jes 40:25. (b) Eks 34:17; 23:24; 34:13; Num 33:52.

Dagstuk a-b

Dagstuk

Bepeinsing: Dink na in die lig van vraag 97 se antwoord: Iemand wat deur sogenaamde verskynings in die nag gepla word wat die persoon lam van vrees laat, ontvang die raad om haar Bybel onder haar kopkussing te plaas in die aand. Daardeur sal God Sy beskerming aan die persoon verleen. Is dit vroom raad of nie?

Vraag 98: Die Roomse Kerk plaas beelde en prente in hulle kerkgeboue ter wille van leke (mense wat onkundig oor God en Sy wil is). Mag ons dit toelaat in ons kerkgeboue?

(a)Jer 10:8; Heb 2:18. (b) Rom 10:14, 15, 17; 2 Pet 1:19; 2 Tim 3:16, 17.

Dagstuk a-b (Vgl wat Paulus oor sy eie prediking sê in Gal 3:1! Lyk prediking in u gemeente só? Is dit nie dalk die rede hoekom mense vandag eerder foefies as preke soek in die kerk nie? )

Sondag 36

Vraag 99: Wat beveel die derde gebod?

(a)Lev 24:15, 16. (b) Lev 19:12. (c) Matt 5:37; Jak 5:12. (d) Lev 5:1; Spr 29:24. (e) Jer 4:2; Jes 45:23. (f) Matt 10:32; Rom 10:9, 10. (g) Ps 50:15; 1 Tim 2:8. (h) Kol 3:17; Rom 2:24;1 Tim 6:1.

Dagstuk a-c

Dagstuk d-f

Dagstuk g-h

Vraag 100: Is dit dan so 'n groot sonde om die Naam van God te laster deur te sweer en te vloek dat God Hom selfs oor elkeen vertoorn wat hierdie sonde nie sover moontlik teengaan en verbied nie?

(a)Spr 29:24; Lev 5:1. (b) Lev 24:16.

Dagstuk a-b

Sondag 37

Vraag 101: Is daar gevalle waar mens wel by die Naam van God mag sweer?

(a)Deut 6:13; 10:20; Jes 48:1; Heb 6:16. (b) Gen 21:24; 31:53; Jos 9:15; 1 Sam 24:23; 2 Sam 3:35; 1 Kon 1:29; Rom 1:9; 9:1; 2 Kor 1:23.

Dagstuk a-c

Vraag 102: Mag 'n mens ook by die heiliges of by ander skepsels sweer?

(a)2 Kor l:23; Rom 9:1. (b) Matt 5:34-36; Jak 5:12.

Dagstuk a-b

Sondag 38

Vraag 103: Wat beveel God in die vierde gebod?

(a)Tit 1:5; 2 Tim 3:14; 1 Kor 9:13, 14; 2 Tim 2:2; 3:15. (b) Ps 40:10, 11; 68:27; Hand 2:42. (c) 1 Tim 4:13;1 Kor 14:29. (d) 1 Kor 11:33. (e) 1 Tim 2:1; 1 Kor:l4:l6. (f) 1 Kor 16:2. (g) Jes 66:23.

Dagstuk a-b

Dagstuk c-d

Dagstuk e-f

Dagstuk bepeinsing: Hier is iets oor die vierde gebod wat jou denke dalk gaan skud..

Lees Hebr 3 en 4. Die term vir ‘rus’ wat hier gebruik word is ‘sabbatikos’. “Sabbat” beteken rus. Die OT het deur úíterlike rus op één dag (Saterdag) van die week, die OT mense se oog gerig op Iemand wat moes kom om mense van die vloek te verlos. Watter vloek? Díé vloek dat niemand die ware en ewige rus van God kan ingaan nie. In die paradys is die mens uit die rus by God weggestuur. Ons as NT mense vier nou op Sóndag (die eerste dag van die week) die wonder dat die vloek weg is, omdat ons nou weet Jesus het die ewige rus/sabbat by God vir ons bewerk. Daarom is die sabbatsonderhouding nie meer vir ons ‘n saak van één dag van die week nie, maar van elke dag van die week. Dink nou prakties na oor hierdie wonderwerk se implikasies vir aktiwiteite op Sondae. Baie mense dink aan die vierde gebod as ‘n stel mag en mag nie’s op een dag van die week. Hulle verstaan niks van Jesus en die vierde gebod nie. Verstaan jy of moet jy ‘n slag gaan nuut dink oor sabbatsonderhouding as NT mens?

Sondag 39

Vraag 104: Wat eis God in die vyfde gebod?

(a)Ef 6:1, 2, 5; Kol 3:18, 20, 22; Ef 5:22; Spr 1:8; 4:1; 15:20; 20:20; Eks 21:17; Rom 13:1. (b) Spr 23:22; Gen 9:24;1 Pet 2:18. (c) Ef 6:4, 9; Kol 3:20; Rom 13:2, 3; Matt 22:21:

Dagstuk a

Dagstuk b-c

Sondag 40

Vraag 105: Wat eis God in die sesde gebod?

(a)Matt 5:21, 22; 26:52; Gen 9:6. (b) Ef 4:26; Rom 12:I9; Matt 5:25;18:35. (c) Rom 13:14; Kol 2:23; Matt 4:7. (d) Gen 9:6; Eks 21:14; Matt 26:52; Rom 13:4.

Dagstuk a-b

Dagstuk c-d

Vraag 106: Praat hierdie gebod net van letterlike doodmaak?

(a)Spr 14:30; Rom 1:29. (b) 1 Joh 2:11. (c) Jak 1:20; Gal 5:19-21. (d) 1 Joh 3:15.

Dagstuk a-d

Dagstuk bepeinsing:

Dink mooi: Hoe voel jy oor moordenaars? Ken jy mense wat die moordenaars in tronke verag en dood wens, terwyl hulle self die dood verdien, weens ‘n paar “moorde” elke dag op hulle kerfstokke?

Vraag 107: Het ons die gebod heeltemal gehoorsaam deur bloot sekere dinge soos doodmaak NIE te doen NIE ?

(a)Matt 22:39; 7:12; Rom 12:10. (b) Ef 4:2; Gal 6:1, 2;Matt 5:5; Rom 12:18; Luk 6:36; Matt 5:7; 1 Pet 3:8; Kol 3:12. (c) Eks 23:5. (d) Matt 5:44, 45; Rom 12:20.

Dagstuk a

Dagstuk b

Dagstuk c-d

Dagstuk bepeinsing:

Bespreek – Mens kan deur glimlaggende en beskaafde stilswye mense “vermoor”

Sondag 41

Vraag 108: Wat leer die sewende gebod ons?

(a)Lev 18:28. (b) Jud 1:23. (c) 1 Tess 4:3-5. (d) Heb 13:4; 1 Kor 7:7.

Dagstuk a-d

Dagstuk bepeinsing:

Mens breek die eg deur uit te breek, in te breek of vooruit te gryp na die eg.

Kan daar nagemaakte eg/huweliksluiting gepleeg word deur land wetgewing?

Vraag 109: Verbied God in hierdie gebod niks meer as net egbreuk en sulke skandes nie?

(a)Ef 5:3, 4; 1 Kor 6:18, 19. (b) Matt 5:27, 28. (c) Ef 5:18; 1 Kor 15:33.

Dagstuk a-c

Dagstuk bepeinsing:

1) Wanneer kom die eg tot stand tussen 2 mense?

2) Dink dan vervolgens aan voorbeelde waar die eg

- deur woorde gebreek word

- deur gedagtes gebreek word

- deur dade gebreek word

- deur inbraak gebreek word

- deur uitbreek gebreek word

3) Hoe kan die volgende persone my helpers/mede-egbrekers word

- my ouers

- my beste vriend/vriendin

Sondag 42

Vraag 110: Wat verbied God in die agste gebod?

(a)1 Kor 6:10. (b) 1 Kor 5:10; Jes 33:1. (c) Luk 3:14; 1 Tess 4:6. (d) Spr 11:1; 16:11; Eseg 45:9, 10; Deut 25:13. (e) Ps 15:5; Luk 6:35. (f) 1 Kor 6:10. (g) Spr 23:20, 21; 21:20.

Dagstuk a-c

Dagstuk d-e

Dagstuk f-g

Dagstuk bepeinsing:

Bespreek - Daar is kerkmense wat God ‘besteel’

Vraag 111: Maar God verbied nie net sekere dinge nie. Hy beveel ons in die agtste gebod dat daar juis sekere dinge is wat ons móét doen...

(a)Matt 7:12. (b) Ef 4:28.

Dagstuk a-b

Sondag 43

Vraag 112: Wat beveel die negende gebod?

(a)Spr 19:5, 9; 21:28. (b) Ps 15:3; 50:19, 20. (c) Rom 1:30. (d) Matt 7:1; Luk 6:37. (e) Joh 8:44. (f) Spr 12:22; 13:5. (g) 1 Kor 13:6; Ef 4:25. (h) 1 Pet 4:8.

Dagstuk a-b

Dagstuk c-e

Dagstuk f-h

Dagstuk bepeinsing:

Lees weer vraag 113. Het die gebod iets te leer aan iemand wat redeneer: “Ek skinder nie. Ek noem bloot die feite - Hierdie ouderling wat nou so vroom is, het in sy jong dae ook maar goed die kat in die donker geknyp”.

Sondag 44

Vraag 113: Wat eis die tiende gebod van ons?

(a)Rom 7:7.

Dagstuk a

Vraag 114: Ons weet nou wat God se wil is, maar kán die wat tot God bekeer is, hierdie gebooie volmaak gehoorsaam?

(a)1 Joh 1:8; Rom 7:14, 15; Pred 7:20; 1 Kor 13:9. (b) Rom 7:22; Ps 1:2.

Dagstuk a-b

Vraag 115: Waarom laat God die Tien Gebooie dan so streng aan ons voorhou as niemand dit tog in hierdie lewe volmaak kan uitleef nie?

(a)Rom 3:20; 1 Joh 1:9; Ps 32:5. (b) Matt 5:6; Rom 7:24, 25. (c) 1 Kor 9:24; Fil 3:12-14.

Dagstuk a-c

Dagstuk bepeinsing:

Vraag 115 vertel ons eintlik bloot die pad van heiligmaking in gelowiges se lewe. Baie mense dink heiligmaking is bloot om al minder sondes te doen! Wie fyn lees sal sien heiligmaking het met drié sake te make in vraag 115...

Ons het nou stilgestaan by die 10 gebooie en ‘n dankbare leefwyse. Vervolgens is dit nodig om na te dink oor die gebédslewe van ‘n dankbare verloste mens

Sondag 45

Vraag 116: Waarom is die gebed vir die Christene nodig?

(a)Ps 50:14. (b) Matt 7:7; Luk 11:9, 13; 1 Tess 5:17.

Dagstuk a-b

Dagstuk bepeinsing: Vraag 116 verduidelik waarom die mens moet bid al ken God ons gedagtes nog voor dit by ons opkom. Dink na daaroor.

Vraag 117: Hoe moet 'n gebed wees wat God behaag en deur Hom verhoor word?

(a)Op 19:10; Joh 4:22-24. (b) Rom 8:26; 1 Joh 5:14; Jak 1:5. (c) Joh 4:24; Ps 145:18. (d) 2 Kron 20:12. (e) Ps 2:11; 34:19; Jes 66:2. (f) Rom 10:14; Jak 1:6. (g) Joh 14:13;16:23; Dan 9:18. (h) Matt 7:8; Ps 27:8.

Dagstuk a-b

Dagstuk c-e

Dagstuk f-h

Dagstuk bepeinsing: Die oppervlakkigheid van baie mense se gebedslewe word duidelik as mens vraag 117 oordink. Bespreek

Vraag 118: Wat het God ons beveel om van Hom te bid?

(a) Jak 1:17; Matt 6:33.

Vraag 119: Hoe lui hierdie gebed?

(a)Matt 6:9-13; Luk 11:2-4.

Sondag 46

Vraag 120: Waarom het Jesus ons beveel om God as ons Vader aan te spreek?

(a)Matt 7:9-11; Luk 11:11-13.

Dagstuk a

Bepeinsing: God se wonderlike Vaderskap kom nog helderder na vore uit gedeeltes soos Matt 6:11 en Hebr 12:5-11

Vraag 121: Waarom word hier bygevoeg: wat in die hemel is?

(a)Jer 23:23, 24; Hand 17:24, 25, 27. (b) Rom 10:12.

Dagstuk a-b

Sondag 47

Vraag 122: Wat is die eerste gedeelte van die Onse Vader?

(a)Joh 17:3; Jer 9:24; 31:33, 34; Matt 16:17; Jak 1:5; Ps 119:105. (b) Ps 119:137; Luk 1:46, 47, 68, 69; Rom 11:33. (c) Ps 71:8;115:1.

Dagstuk a

Dagstuk b-c

Dagstuk

- Die naam van God verwys eintlik na God self. Het jy al raakgesien hoe die eerste bede van die Onse Vader en die derde gebod by mekaar aansluit?

- Kyk ook hoe God se naam/Hyself is in die lig van die gebeure van Exodus 34:1-8. Wat gebeur toe Moses God se ‘naam’ duidelik leer ken. Sien jy nou die groot belang van hierdie bede in die lewens van baie lou gelowiges?

Sondag 48

Vraag 123: Wat is die tweede bede?

(a)Ps 143:10; 119:5; Matt 6:33. (b) Ps 51:20; 112:6. (c) 1 Joh 3:8; Rom 16:20. (d) Op 22:20; Rom 8:22, 23. (e) 1 Kor 15:28.

Dagstuk a-b

Dagstuk c-e

Sondag 49

Vraag 124: Wat is die derde bede?

(a)Matt 16:24; Tit 2:11, 12. (b) Luk 22:42; Ef 5:10; Rom 12:2. (c) 1 Kor 7:24. (d) Ps 103:20, 21.

Dagstuk a

Dagstuk b-c

Dagstuk Kom jy die verskriklike selfaanklag wat uit die eerste 3 bedes na vore tree agter?

Sondag 50

Vraag 125: Wat is die vierde bede?

(a)Ps 145:15; 104:27; Matt 6:26. (b) Jak 1:17; Hand 14:17; 17:27. (c) 1 Kor 15:58; Deut 8:3; Ps 37:16; 127:1, 2. (d) Ps 55:23; 62:11; 146:3; Jer 17:5, 7.

Dagstuk a-b

Dagstuk c

Dagstuk d

Sondag 51

Vraag 126: Wat is die vyfde bede?

(a)Ps 51:3; 143:2; 1 Joh 2:1; Rom 8:1. (b) Matt 6:14

Dagstuk a-b

Dagstuk God vergewe nie alle mense nie. Ons weet tog dat die goddeloses hel toe gaan. Wat leer ons hieruit in ‘n situasie waar my kind deur ‘n wreedaard vermoor word? Praat met mekaar oor God se wil vir so ‘n hartseer mens in die lig van vraag 126...

Sondag 52

Vraag 127: Wat is die sesde bede?

(a)Joh 15:5; Ps 103:14. (b) 1 Pet 5:8; Ef 6:12. (c) Joh 15:19. (d) Rom 7:23; Gal 5:17. (e) Matt 26:41; Mark 13:33. (f) 1 Tess 3:13; 5:23.

Dagstuk a-b

Dagstuk c-d

Dagstuk e-f

Vraag 128: Hoe sluit jy jou gebed af?

(a)Rom 10:12; 2 Pet 2:9. (b) Joh 14:13; Jer 33:8, 9; Ps 115:1.

Dagstuk a-b

Vraag 129: Wat beteken die woord Amen?

(a)2 Kor 1:20; 2 Tim 2:13.

Dagstuk a

ANTWOORDE

Sondag 1

Vraag 1: Laat ons begin met ‘n baie belangrike vraag: Wat is jou enigste troos in lewe en in sterwe?

Antwoord: My troos is dat ek -

met liggaam en siel

in lewe en in sterwe_a

nie meer aan myself behoort_b nie.

Ek behoort nou aan my getroue Verlosser, Jesus Christus_c. Dit het gebeur deurdat Hy -

met sy kosbare bloed

vir al my sondes

ten volle betaal het_d.

Só het Hy my uit alle heerskappy van die duiwel verlos_e.

Hy bewaar my_f op so 'n wonderlike manier –

dat sonder die wil van my hemelse Vader, geen haar van my kop kan val nie_g.

Hy laat alles, selfs slegte dinge, vir my ten goede meewerk_h.

Hy verseker_i my ook deur sy Heilige Gees van die ewige lewe.

Hy gaan ook nog verder deur my van harte gewillig en bereid te maak om voortaan vir Hom te lewe_k.

Vraag 2: Wie is die mense wat saam met my so getroos kan leef en sterf?

Antwoord: Net die wat drie belangrike dinge verstaan en glo_a -

Ten eerste, hoe groot my sonde en ellende is_b ;

ten tweede; hoe ek van al my sonde en ellende verlos word_c en

ten derde hoe ek God vir so 'n verlossing dankbaar moet wees_d.

Sondag 2

Vraag 3: Ek moet in die eerste plek my sonde en ellende ken om getroos te kan leef en sterf. Hoe laat God jou ontdek dat jy sondig, ellendig en verlore is?

Antwoord: Die wet van God laat my ontdek: Ek is waaragtig sondig en verlore_a.

Vraag 4: Wat eis die wet van God van ons as ons die ewige lewe deur wetsonderhouding wil verkry?

Antwoord: Dit leer Jesus ons samevattend in Matteus 22:37-40:

Jy moet die Here jou God liefhê –

met jou hele hart

en met jou hele siel

en met jou hele verstand. Dit is die eerste en groot gebod.

En die tweede wat hiermee gelyk staan -

Jy moet jou naaste liefhê soos jouself.

Hierdie 2 gebooie som die hele wet op soos die Ou Testament dit reeds aan ons op meer uitvoerige wyse leer.

Vraag 5: Net mense wat volmaak die wet uitleef is dus nie sondig en verlore nie. Kan jy volmaak volgens God se wet leef?

Antwoord: Nee_a. Die Bybel leer my veel eerder dat my natuurlike geneigdheid is om God en my naaste te haat_b.

Sondag 3

Vraag 6: Wie se skuld is dit dat ek so sondig is? Het God die mens dan so sondig en verkeerd geskep? Is dit dus Sy skuld dat ek hel toe moet gaan?

Antwoord: Nee!

God het die mens goed_a

en na sy beeld geskep_b.

Dit beteken: Hy het die mens geskep om in die regte verhouding tot God te kon leef

Die mens kon God sy Skepper reg ken.

Die mens kon God met sy hele hart liefhê.

Die mens kon dus saam met God in die ewige vreugde van die paradys bly lewe om God daar te loof en te prys_c.

Vraag 7: Hoe het dit dan gebeur dat alle mense nou geneig is om te sondig en daarom ellendig en verlore is?

Antwoord: Die val en ongehoorsaamheid van die eerste mense, Adam en Eva, in die paradys, het hierdie hartseer toestand veroorsaak (a).

Na hulle opstand teen God was die gevolg dat alle mense in die mag van sonde gebore word (b).

Vraag 8: Is ons só in die mag van sonde dat ons glad nie in staat is om iets goeds te doen nie en tot alle kwaad geneig is?

Antwoord: Ja (a),

behalwe as ons deur die Gees van God weer gebore word (b).

Sondag 4

Vraag 9: Die mens is dus in die mag van sonde. Is dit dan nie onregverdig van God as Hy in sy wet van mense eis wat hulle tog nie kan doen nie?

Antwoord: Nee (a),

want God het die mens so geskep dat die mens dit kon doen (b).

Maar die eerste mens het homself

en alle ander mense

as gevolg van die duiwel wat hom aangehits het (c)

en deur moedswillige ongehoorsaamheid

van hierdie vermoë om in die regte verhouding met God te leef, beroof.

Vraag 10: Wil God hierdie ongehoorsaamheid en opstand ongestraf laat bly?

Antwoord: Nee, glad nie;

inteendeel, sy toorn is verskriklik (a)

sowel oor die gevolge van sonde deur ons voorvaders,

as oor die sonde wat ons self doen:

Hy wil dit op aarde reeds,

en in die ewigheid

met 'n regverdige oordeel straf (b).

Hy het immers gesê: Vervloek is elkeen wat nie alles doen wat geskryf is in die boek van die wet nie (c).

Vraag 11: Maar... sal God nie bloot net barmhartig wees oor al ons sonde nie?

Antwoord: God is wel barmhartig (a);

maar Hy is ook regverdig (b).

Daarom eis sy regverdigheid dat die sonde wat teen Sy wil gedoen is met die swaarste straf gestraf moet word –

dit is met die ewige straf

aan liggaam en siel.

Sondag 5

Vraag 12: Ons sien dus dat ons regtig weens ons sonde straf verdien omdat God regverdig is. Die vraag is nou: Hoe kan ons hierdie straf vryspring en weer in genade deur God aangeneem word?

Antwoord: God se wil is dat sonde nie bloot ongestraf oorgesien kan word nie (a). Maar daar is ook goeie nuus! God eis dat ekself... of iemand in my plek vir my sonde moet betaal (b).

Vraag 13: Kan ons self vir ons sonde betaal?

Antwoord: Nee, glad nie;

ons maak juis ons skuld elke dag nog groter (a).

DIT BRING ONS NOU BY DIE PUNT WAAR ONS MOET NADINK WAAROM JESUS DIE ENIGSTE EEN IN DIE HEELAL IS WAT ONS KAN VERLOS

Vraag 14: Kan enige ander wese wat deur God geskép is vir ons sonde betaal?

Antwoord: Nee,

Ten eerste wil God nie een van Sy ander skepsele straf oor die mens se sonde nie (a).

Ten tweede kan geen gewone skepsel God se straf teen die sonde dra

en daarna steeds bly lewe om iemand anders te gaan verlos nie (b). God se straf is te verskriklik.

Vraag 15: Watter eienskappe moet iemand dus besit om God se straf vir ons sonde te dra en daarna nog te oorleef om andere te gaan verlos. (Hy moet tog lewend uit die straf kom om sy werk voort te sit om ander mense te gaan verlos nadat hy deur God gestraf is)

Antwoord: Die Bybel wys ons op die volgende –

-Die verlosser moet 'n ware mens wees (a)

-en hy moet ‘n sondelose mens wees (b),

-maar hy moet ook sterker as enige ander een wees wat God geskep het - dit wil sê hy moet ook

-waarlik God wees (c).

Sondag 6

Vraag 16: Waarom moet my verlosser eerstens 'n ware en tweedens ‘n sondelose mens wees?

Antwoord: Eerstens: Hy moet ‘n mens wees omdat God regverdig is - Die Bybel leer dat God in Sy regverdigheid ‘n mens straf as ‘n mens sondig, en nie byvoorbeeld ‘n dier in die plek van die mens nie (a).

Tweedens: Die probleem is dat ‘n mens wat tog self sondaar is, en dus self sondeskuld het, nie vir ander sondaarmense se sonde kan betaal nie! Daarom moet ‘n sondelose mens gevind word om in die plek van al die ander sondige mense hulle straf te dra (b).

Vraag 17: Waarom moet my verlosser nie net ‘n ware en sondelose mens wees nie, maar ook waarlik God wees?

Antwoord: Dink nou mooi na: Slegs ‘n mens wat self ook God is, (a)

kan die verskriklike straf van God dra (b) terwyl hy steeds regtig mens bly. (c)

Daarom moet hy beide ware mens en ware God wees, om vir ons die lewe te kan verkry, en ons ook weer in die regte verhouding met God te kan bring (d).

Vraag 18: Wie is hierdie Een wat terselfdertyd al bogenoemde eienskappe het, naamlik: ware God (a) én ‘n ware (b) én regverdige mens (c)?

Antwoord: Ons Here Jesus Christus alleen het al hierdie eienskappe (d). God het Hom vir ons, in die woorde van 1 Kor 1, tot wysheid, geregtigheid, heiligmaking en volkome verlossing gegee (e).

Vraag 19: Hoe weet jy dat net Jesus alleen hierdie Verlosser vir ons is?

Antwoord: Ek weet dit uit die hele blye boodskap van die Bybel. Reeds in die paradys het God die eerste keer die koms van Jesus belowe (a). Daarna het Hy deur die aartsvaders (Abraham, Isak en Jakob) (b) en die profete (c) hierdie blye boodskap laat verkondig en voorspel. Al die offers van diere ens asook al die ander seremonies en rituele van die wet in die Ou Testament het ook gehelp dat die mense kon besef dat daar iemand moet kom wat die volmaakte offer vir sonde moet bring; (d). Eindelik het God hierdie blye boodskap deur sy eniggebore Seun waar laat word (e).

Sondag 7

Vraag 20: Alle mense het dus in sonde en ellende beland deur Adam se sonde. Word al die mense dan weer deur Christus verlos soos hulle deur Adam verlore gegaan het?

Antwoord: Nee; (a); ons kan net deur ware geloof in Jesus, deel kry aan al die wonderlike dinge wat God belowe (b).

Vraag 21: Dit is daarom vir my nodig om mooi na te dink oor wat ware geloof is, anders bedrieg ek myself deur op ‘n valse manier te glo! Ons moet dus nou die lewensbelangrike vraag oordink –

WAT IS WARE GELOOF?

Antwoord: Ware geloof is in die eerste plek om al die kennis wat ons verkry, soos God dit aan ons in die Bybel bekend maak (a), te aanvaar as die waarheid. Ware geloof is egter ook veel meer as om bloot hierdie kennis wat ons in die Bybel verkry as die waarheid te erken.

Ware geloof is in die tweede plek ook 'n vaste vertroue (b) wat die Heilige Gees (c) deur God se Woord in my hart werk (d). Ek vertrou naamlik dat God nie net aan ander mense nie, maar ook aan my, alleen uit genade, en slegs op grond van dit wat Jesus vir my gedoen het (e), vergewing van sondes skenk, maar ook deur Jesus my vir altyd in die regte verhouding met Hom bring en verlossing (f) skenk.

Vraag 22: Wat moet 'n Christen glo, dit wil sê: Wat is ‘n samevatting van dié kennis waarop ons geheel en al moet vertrou ?

Antwoord: Alles wat in die Bybel aan ons beloof word (a) en wat samevattend in die geloofbelydenis aan ons geleer word.

Vraag 23: Hoe vat ons geloofsbelydenis alles saam wat ons met ons hele hart moet glo?

Antwoord: (1) Ek glo in God die Vader, die Almagtige, die Skepper van die hemel en die aarde. (2) En in Jesus Christus, sy eniggebore Seun, ons Here; (3) wat ontvang is van die Heilige Gees, gebore uit die maagd Maria; (4) wat gely het onder Pontius Pilatus, gekruisig is, gesterf het en begrawe is en neergedaal het na die hel; (5) wat op die derde dag weer opgestaan het uit die dood; (6) opgevaar het na die hemel en sit aan die regterhand van God, die almagtige Vader, (7) waarvandaan Hy sal kom om die lewendes en die dooies te oordeel. (8) Ek glo in die Heilige Gees. (9) Ek glo aan 'n heilige, algemene, Christelike kerk, die gemeenskap van die heiliges; (10) die vergewing van sondes; (I1) die opstanding van die liggaam (12) en 'n ewige lewe.

Sondag 8

Vraag 24: Hoe word hierdie geloofsbelydenis ingedeel?

Antwoord: In drie dele: die eerste leer ons oor God die Vader en ons skepping;

die tweede leer ons van God die Seun en ons verlossing;

die derde leer ons van God die Heilige Gees en ons heiligmaking.

Vraag 25: Ons glo tog in net een, unieke God. Waarom praat jy dan van die Vader, Seun en Heilige Gees (a)?

Antwoord: Die antwoord is eintlik baie eenvoudig: Omdat God in sy Woord ons so leer (b)! Ons glo maar net wat die Bybel sê naamlik dat hierdie drie onderskeie Persone die unieke, ware en ewige God is.

Sondag 9

Vraag 26: Wat bedoel jy as jy sê: Ek glo in God die Vader, die Almagtige, die Skepper van die hemel en die aarde?

Antwoord: Ek glo dat Hy, wat van altyd af ons Here Jesus Christus se Vader was, die hemel en aarde met alles wat daarin is, uit niks geskep het (a).

Ek glo dat Hy Sy skepping nog altyd onderhou en regeer (b).

Ek glo dat hierdie groot God ter wille van sy Seun Jesus ook my God en my Vader is (c).

Ek vertrou Hom so dat ek vas glo dat Hy my, met alles wat ek vir liggaam en siel nodig het, sal versorg (d).

Dis wonderlik vir my om ook die volgende te kan glo: Hy sal selfs al die slegte dinge wat Hy in hierdie hartseer wêreld met my laat gebeur, vir my ten goede laat meewerk (e)

Ek glo hierdie heerlike dinge, omdat ek weet dat Hy dit as 'n almagtige God kan (f) en ook as 'n getroue Vader wil doen (g).

Ja, ek glo in Sy voorsienigheid!

Sondag 10

Vraag 27: Iemand vra my dalk: “Wat presies glo jy oor God se voorsienigheid?”

Antwoord: Ek glo “Sy voorsienigheid” verwys na die krag wat my God het om alles te kan doen wat Hy wil doen. Ek glo Hy is oral teenwoordig as die groot God wat alles kan doen (a).

Ek glo deur Sy groot krag onderhou en regeer Hy die hemel en die aarde en alles wat Hy gemaak het (b).

Ek glo Hy bepaal dinge soos reën en droogte (c), vrugbare en onvrugbare jare, voedsel en drank, gesondheid en siekte (d), rykdom en armoede (e). Trouens Hy bepaal alles wat gebeur.

Ek glo niks van hierdie dinge gebeur per toeval nie. Ek glo dis my Vader wat alles beskik (f).

Vraag 28: Besef ons werklik watter groot troos dit is dat ons kan glo dat God alles gemaak het en nog steeds deur Sy voorsienigheid regeer? Kom ons dink na oor hierdie troos...

Antwoord: Die troos is: Ons kan in alle teenspoed geduldig bly (a).

Ons kan in voorspoed dankbaar wees (b).

Verder kan ons ook oor die toekoms vas vertrou in ons getroue God en Vader (c). Niks of niemand kan ons van sy liefde skei nie (d). Ons weet tog dat alle dinge en persone so in sy hand is dat hulle sonder sy wil nie kan roer of beweeg nie (e).

Kom ons kyk nou verder na dit wat ons glo...

Sondag11

Vraag 29: Ons glo ook in Jesus...maar waarom is Sy naam juis “Jesus”, wat “verlosser” beteken?

Antwoord: Sy naam is “Jesus” omdat Hy die Een is wat ons van al ons sondes kan verlos (a). Ons glo dat ons deur niemand anders verlos kan word nie. NIEMAND ANDERS NIE! (b).

Vraag 30: Daar is egter mense wat heeltemal verkeerd dink as dit by die verlore mens se verlossing kom.

Party dink dat hulle hulself kan verlos.

Ander hoop weer op “heiliges” soos Maria se voorbidding. Nog anderes dink dat daar dalk ander maniere is om die ewige lewe te verkry. Hierdie mense sê egter omtrent almal dat hulle ook in Jesus glo. Die vraag is:

Kan ‘n mens op hulle manier in Jesus glo en steeds verlos word?

Antwoord: Nee, hulle hele manier van dink wys eintlik dat hulle nie regtig in Jesus as die ENIGSTE Verlosser glo nie... alhoewel hulle met die mond Hom as Verlosser erken! (a). Slegs een van twee dinge is immers moontlik: of Jesus is nie 'n volkome Verlosser nie, of die wat Hom as Verlosser met 'n ware geloof aanneem, verwag dat net Hy hulle volkome kan verlos. Hy en niks of niemand anders nie. (b).

Sondag12

Vraag 31: Waarom noem ons Jesus “die Christus”? (Christus beteken Gesalfde)

Antwoord: Die rede is dat Jesus deur die Vader bestem was om gebore te word as die Gesalfde van God. Ons lees hoe die Heilige Gees op Jesus neergedaal het toe Johannes Hom gedoop het. So is Jesus in die openbaar deur God aangewys as Sy Gesalfde (a).

God het Jesus gesalf en aangestel in drie ampte.

Jesus is eerstens ons groot Profeet en Leraar (b), wat aan ons die wil van God aangaande ons verlossing ten volle bekend gemaak het (c);

Tweedens is Jesus ons enigste Hoëpriester (d), wat ons met die een, volmaakte offer van sy liggaam verlos het (e). As Hoëpriester tree Jesus ook vir ons deur voorbidding in by die Vader (f);

Derdens is Hy ook vir ewig gesalf as ons Koning. Hy is ons Koning wat ons met sy Woord en Gees regeer en ons op die pad na eendag se volkome verlossing beskerm en bewaar (g).

Vraag 32: Waarom word jy 'n Christen genoem (a)?

Antwoord: Ek word ‘n christen genoem, want deur die geloof word ek 'n lid van Christus (b). Jesus was gesalf met die Gees. Ons as christene kry deur geloof ook die salwing van Sy Gees (c)

Hierdie salwing met Sy Gees stel ons in staat om sy Naam te kan bely (d).

Die salwing met Sy Gees maak dat ek myself as 'n lewende dankoffer aan Hom kan gee (e).

Die salwing gee my ook die sekerheid dat ek verlos is en daarom kan ek as verloste teen die sonde en die duiwel stry op aarde (f), en as gesalfde weet ek dat ek, nadat ek gesterf het met Christus in ewigheid oor alle skepsels sal kan regeer (g). Daarom is dit wondelik om ‘n CHRISTEN en GESALFDE te wees!

Sondag 13

Vraag 33: Waarom word Christus die eniggebore Seun van God genoem terwyl ons tog ook kinders van God is?

Antwoord: Omdat net Christus die ewige natuurlike Seun van God is (a), terwyl ons om sy ontwil uit genade tot kinders van God aangeneem is (b).

Vraag 34: Waarom noem jy Hom ons Here?

Antwoord: Hy is ons Here omdat Hy ons na liggaam en siel van iemand anders gekoop het wat voorheen ons Here was... die sonde en die duiwel was ons Here gewees voor Jesus ons Here geword het. Die prys wat Hy vir ons moes betaal was duur - goud of silwer was nie genoeg nie, sy kosbare bloed was nodig om ons tot sy eiendom te verlos en vry te koop (a).

Sondag 14

Vraag 35: Nadat ons Jesus bely het as ons Here, bely ons dan twee sake in dieselfde asem – ons bely dat Jesus ontvang is van die Heilige Gees én gebore is uit die maagd Maria? Waarom voeg ons die twee sake saam?

Antwoord: Daarmee bely ons dat Jesus heeltemal uniek in die geskiedenis is: Jesus is van altyd af werklik God gewees, (a) en Hy het ook werklik God gebly toe Hy onder ons kom woon het (b). Hy het egter ook deur Maria die ware menslike natuur uit die vlees en bloed van Maria as maagd aangeneem (c). Die Heilige Gees het hierdie wonder laat gebeur dat ‘n maagd kon swanger raak met God se Seun (d). Deur Maria is Jesus dus regtig uit die nageslag van Dawid gebore, soos die Ou Testament beloof het (e). Hy is daarom mens soos ons, behalwe in een baie belangrike saak (f), Hy is nie soos ons sondig nie (g).

Vraag 36: Watter voordeel het dit vir jou en my dat Jesus op so ‘n unieke wyse in die wêreld gekom het?

Antwoord: Sy unieke geboorte maak dit moontlik dat Hy tussen my en God versoening kon bewerk (a), want Hy kan ons as mense, wat sondig gebore word, se sondes met sy onskuld en volkome heiligheid voor God bedek (b).

Sondag 15

Vraag 37: Ons bely dat Jesus gely het. Besef ons werlik die verskriklike lyding wat Hy ter wille van ons deurgegaan het?

Antwoord: Jesus het nie net liggaamlik gely nie, Hy het met liggaam en siel gely. Sy hele lewe op aarde was een groot stuk lyding. Die hoogtepunt van Sy lyding was veral aan die einde van Sy lewe toe Hy die straf van God teen die sonde van die hele mensdom gedra het (a). Sy lyding was as onskuldige, en was die offer van versoening wat God beveel het (b), sodat óns liggaam en siel van die ewige hel verlos kan word (c). So het Hy deur Sy lyding dit moontlik gemaak

-dat ons genade by God kan ontvang,

-asook dat ons deur God aanvaar kan word as mense wat onskuldig en regverdig is in Sy oë.

-Daarom kan ons ook die ewige lewe as geskenk ontvang(d).

Vraag 38: Waarom noem ons die feit dat Jesus juis onder die regter Pontius Pilatus gely het? Wat is so belangrik aan hierdie feit dat dit in ons geloofbelydenis teenoor die wêreld genoem moet word?

Antwoord: Dit is opgeteken dat die wêreld se amptelike verteenwoordiger, ‘n regter, verklaar het dat Jesus onskuldig was, hoewel hy Jesus steeds onder druk veroordeel het (a). Omdat Jesus amptelik onskuldig aan sonde verklaar is deur ‘n regter, kan ons wat skuldig is aan sonde vry verklaar word van die streng oordeel van God wat oor ons moes kom (b).

Vraag 39: Jesus is gekruisig. Waarom is dit belangrik dat Hy gekruisig is en nie op ‘n ander wrede manier doodgemaak is nie?

Antwoord: Die feit dat Jesus juis gekruisig is, verseker dat ek as gelowige nie deur God vervloek sal word nie (a). Dit is moontlik omdat God juis die kruisdood, en nie ander vorme van doodmaak nie, noem as teken van Sy vervloeking (b).

Sondag 16

Vraag 40: Waarom was dit noodsaaklik dat Christus Hom tot in die dood toe verneder het?

Antwoord: Die straf wat God beveel vir sonde is reg van die begin af die dood gewees (a). Daarom kon dit nie anders nie - die dood van die Seun van God moes vir ons sondes betaal (b).

Vraag 41: Waarom is Hy begrawe?

Antwoord: Om daarmee die versekering te gee dat Hy werklik gesterf het (a).

Vraag 42: As Jesus dan vir ons gesterf het, waarom moet ons ook nog sterwe?

Antwoord: Ons dood is heeltemal ander as Jesus se dood. Ons dood is nie 'n betaling vir ons sondes nie (a), maar slegs 'n verlossing van die sondige lewe en 'n deurgang tot die ewige lewe (b).

Vraag 43: Watter ander voordeel is daar nog vir ons as gevolg van die offer en dood van Jesus aan die kruis?

Antwoord: Ek kan glo dat die sondige mens wat ek was, deur Sy krag ook nou saam met Hom gekruisig, gedood en begrawe is(a). Gevolglik moet ons deur Sy krag daarna streef dat ons sondige begeertes nie meer oor ons sal heers nie, (b) en moet ons onsself heeltemal aan Hom gee in dankbaarheid(c).

Vraag 44: Waarom volg daar: en neergedaal het na die hel?

Antwoord: Sodat ek in die moeilikste tye wat oor my pad kan kom, verseker kan wees en myself volkome kan vertroos dat my Here Jesus Christus my van die hel se benoudheid en pyn verlos het (a). Hierdie verlossing het Hy bewerk deur die hel se onuitspreeklike angs, smart en verskrikking (b) tot in Sy siel te ondergaan deur sy hele lewe, maar veral aan die kruis. (Jesus het dus nie letterlik na die hel neergedaal nie-PP)

Sondag 17

Vraag 45: Watter voordeel het Jesus se opstanding uit die dood vir ons?

Antwoord: Ten eerste – deur op te staan, het Hy die dood oorwin sodat Hy ons, na Sy opstanding en te danke aan Sy opstanding, in die regte verhouding met God kon stel.(a).

Ten tweede word ons nou ook deur sy krag tot 'n nuwe lewe opgewek (b).

Ten derde is die opstanding van Jesus vir ons n betroubare waarborg dat ons ook eendag sal kan opstaan uit die dood uit (c).

Sondag 18

Vraag 46: Wat verstaan jy onder die woorde: “wat opgevaar het na die hemel”?

Antwoord: Jesus is voor die oë van sy dissipels van die aarde af na die hemel opgeneem (a) en Hy is daar tot ons voordeel (b) totdat Hy terugkom om reg te laat geskied aan die wat nog leef en die wat alreeds gesterf het (c).

Vraag 47: As Jesus dan in die hemel is, beteken dit dat Hy dan nie meer by ons is tot die einde van die wêreld, soos Hy ons beloof het nie (a)?

Antwoord: Christus is waarlik mens en waarlik God. Wat sy mensheid betref, is Hy nie meer op aarde nie (b), maar wat sy Godheid, majesteit, genade en Gees betref, gaan Hy nooit meer van ons af weg nie (c).

Vraag 48: Maar as die mensheid nie oral is waar die Godheid is nie, word die twee nature in Christus dan nie van mekaar geskei nie?

Antwoord: Nee, glad nie. Sy Godheid kan immers deur niks ingeperk word nie en is orals teenwoordig (a). Hieruit kan ons dus ook weet dat Sy Godheid aan die een kant wel buite sy mensheid wat hy aangeneem het is (b), maar tog ook daarin is en persoonlik daarmee verenig bly.

Vraag 49: Watter voordele het die hemelvaart van Christus vir ons?

Antwoord: Ten eerste dat Hy in die hemel by die Vader vir ons sondaars intree en pleit (a).

Tweedens kan ons nou weet dat Jesus ons ook hemel toe sal opneem. Hy het immers reeds ons menslike natuur in die hemel opgeneem (b).

Derdens omdat Hy opgevaar het, het Hy Sy Gees as waarborg na ons toe gestuur (c). Deur die krag van Sy Gees kan ons ook nou reeds smag na hemelse dinge. Sy Gees rig ons gedagtes tog op Jesus waar Hy aan die regterhand van God sit, en nie op die aarde se dinge wat andersins ons begeertes sou oorheers het nie (d).

Sondag 19

Vraag 50: Ons dink volgende na oor die woorde: “en sit aan regterhand van God”. Waarom voeg die belydenis hierdie sinnetjie doelbewus by?

Antwoord: Hierdie woorde beklemtoon dat Jesus na die hemel opgevaar het in ‘n posisie van heerlikheid/grootheid. Hy is daar as die Hoof van sy kerk (a), deur wie die Vader alles regeer (b).

Vraag 51: Watter voordeel bring hierdie heerlikheid van ons Hoof Jesus vir ons?

Antwoord: Die eerste voordeel is dat Hy vanuit hierdie verheerlikte posisie ons as lede van Sy kerk met hemelse gawes kan toerus, deur die werking van sy Heilige Gees (a). Ten tweede dat Hy ons met sy mag teen alle vyande beskerm en bewaar (b).

Vraag 52: “...vanwaar Hy sal kom om te oordeel...” Hoe word jy getroos deur die wederkoms van Christus om die lewendes en die dooies te oordeel?

Antwoord: Selfs as my lewe vol hartseer, swaarkry en vervolging is, kan ek steeds uitsien daarna, dat die Een wat ek met gespanne verwagting as Regter uit die hemel verwag (a), eeue terug my plek as skuldige voor God as Regter ingeneem het, en alle vervloeking van my weggeneem het.

Boonop sal Hy op daardie dag al sy en my vyande in die ewige vuur werp (b).

Hy sal ook op daardie dag vir my en al Sy ander uitverkorenes met Hom saamneem om die hemelse blydskap en heerlikheid te kan verkry (c).

Sondag 20

Vraag 53: Wat glo jy van die Heilige Gees?

Antwoord: Ek glo eerstens dat Hy saam met die Vader en die Seun ware en ewige God is (a). Tweedens glo ek dat Hy ook aan my gegee is (b). Hy is die Een wat my lei om waarlik te glo. Te danke aan Hom wat my laat glo, kan ek nou aan Jesus behoort met al die voorregte wat daarmee saamval. (c) Die Heilige Gees vertroos my (d) en bly by my vir ewig (e).

Sondag 21

Vraag 54: Wat glo jy van die heilige, algemene, Christelike kerk?

Antwoord: Ek glo dat Jesus, die Seun van God, (a) uit alle mense (b)

vir Hom 'n gemeente wat tot die ewige lewe uitverkies is bymekaar maak (c).

Hy maak hulle bymekaar deur die werking van Sy Gees en Sy Woord (d),

op so ‘n manier dat hulle een is in die ware geloof (e).

Met hierdie versameling van Sy kerk gaan Hy voort van die begin van die wêreld af tot aan die einde toe (f).

Hy bring hulle bymekaar,

Hy beskerm hulle, en Hy versorg hulle (g).

Ek glo veral ook dat ek 'n lewende lid is van hierdie kerk van Jesus (h) en dat ek altyd deel van Sy kerk sal bly wees (i).

Vraag 55: Ons bely “die gemeenskap van die heiliges”. Hoe raak hierdie woorde jou lewe?

Antwoord: Eerstens glo ons dat die gelowiges, almal saam

en elkeen afsonderlik,

met die Here Jesus gemeenskap het. Ons het deel aan al sy skatte en gawes (a).

Omdat ons hierdie wonderlike genade ontvang, móét ons in die tweede plek, elkeen sy gawes

gewillig en met vreugde

tot voordeel en saligheid

van die ander lede aanwend (b).

Vraag 56: Wat glo jy van die vergewing van die sondes?

Antwoord: Ek glo dat God, op grond van dit wat Jesus gedoen het

- aan al my sondes

- en ook my sondige aard waarteen ek my lewe lank moet stry

nooit meer wil dink nie (a). Ter wille van Jesus wil Hy aan my genade skenk (b) sodat ek nooit onder die oordeel van God sal kom nie (c).

Sondag 22

Vraag 57: Watter troos gee die opstanding van die liggaam aan jou?

Antwoord: Ek glo dat nie net my siel na hierdie lewe

dadelik opgeneem sal word in die hemel nie (a).

Ek glo dat ook my liggaam deur die krag van Christus sal opstaan. My liggaam sal weer met my siel verenig word en dan sal my liggaam verander word om soos Jesus se verheerlikte liggaam te word (b). Dít is my troos!

Vraag 58: Watter troos skep jy uit die artikel van die ewige lewe?

- Antwoord: Ek glo dat, aangesien ek nou reeds die begin van die ewige vreugde in my hart ervaar (a), ek na hierdie lewe volkome verlossing en vreugde sal besit - 'n vreugde soos niemand nog ooit met ons aardse sintuie beleef het nie! Dit sal ‘n vreugde wees soos niemand ook homself in sy wildste drome kan indink nie – en daar sal ons God vir ewig loof en prys (b)

Sondag 23

Vraag 59: Maar watter voordeel hou dit vir jou in dat jy in die waarheid van al bogenoemde dinge (vraag 22-58) glo ?

Antwoord: Omdat ek dit alles glo, weet ek dat ek in Jesus se naam voor God regverdig verklaar is, en dat ek nou ‘n erfgenaam van die ewige lewe is (a).

Vraag 60: Dink weer mooi hieroor: Hoe, om presies te wees, is jy regverdig voor God?

Antwoord: Ek is slegs deur 'n ware geloof in Jesus Christus regverdig en onskuldig voor God (a).

Daarom, al kla my gewete my aan dat ek teen al die gebooie van God swaar gesondig het en nie een daarvan gehou het nie (b),

en dat ek nog gedurigdeur geneig is tot alle kwaad (c),

het ek steeds hierdie troos: God sal nogtans (d) aan my sonder enige verdienste van my kant (e), uit louter genade (f) Jesus se werk as voldoende aanvaar om my vry te spreek van straf... (g)

Hy sal ter wille van Jesus my die voorreg skenk, om as regverdig en heilig deur Hom aanvaar te word (h).

Hy skenk dit aan my my asof ek nooit sonde gehad of gedoen het nie en asof ek self al die gehoorsaamheid volbring het wat Christus vir my volbring het (i).

Ek ontvang hierdie kosbare geskenk van God net as ek hierdie dinge met 'n gelowige hart (j) aanvaar.

Vraag 61: Ons dink nou na oor ‘n saak waaroor daar baie misverstand is – Ons sê maklik dat ons net deur die geloof regverdig verklaar word. Dit is so, maar verstaan mooi wat ons daarmee bedoel...

Antwoord: Ons bedoel níe dat ek op grond van die prestasie van my geloof vir God aanneemlik is nie. Ons glo tog juis níe in eie verdienste en prestasie níe. Ons moenie geloof as ‘n prestasie of verdienstelike poging deur my, verstaan nie.

Nee, ons glo nie in óns geloof nie, maar ons glo in die wonder dat Jesus genoeg gedoen het, om my regverdig en heilig voor God te laat staan (a). Al wat ek kan doen is om deur die geloof hierdie waarheid aan te neem en my eie te maak (b).

Sondag 24

Vraag 62: Die logiese vraag is nou: Kan ons goeie werke nie help dat ons deur God regverdig verklaar word nie ?

Antwoord: Nee. God eis volmaaktheid as maatstaf wanneer Hy oordeel. Jy moet dus volmaak volgens Sy wet leef of God veroordeel jou (a). Ons weet egter dat ons beste werke in hierdie lewe almal onvolmaak en met sondes besmet is (b). Daarom kan ons werke niks bydra tot ons verlossing nie. Inteendeel is dit dus genade dat God verby ons onvolmaakte “beste pogings” kyk!

Vraag 63: Verdien ons goeie werke dan regtig niks nie? Die Bybel praat tog daarvan dat God ons goeie werke in hierdie lewe, sowel as in die toekomstige lewe wil beloon. Hoe verstaan ons dit?

Antwoord: Eenvoudig...ons werke verdien nie eens ‘n dankwoord deur God nie, maar tog, in God se wonderlike genade beloon Hy dit (a).

Vraag 64: Ons het die aanvoeling dat hierdie leer deur mense verkeerd verstaan kan word. Sal gelowige mense nie hierdeur onverskillig en roekeloos begin sondig nie? Sal gelowiges nie bloot dink: Ek word tog net uit genade gered so daarom kan ek maar sondig? (Let wel, ons dink hier oor gelówige mense se denke, en nie oor skynchristene se denke nie-PP)

Antwoord: Nee, want dit is onmoontlik dat 'n mens wat deur 'n ware geloof in Christus “ingeplant” is, nie vrugte van dankbaarheid sal voortbring nie (a).

Sondag25

Vraag 65: Slegs deur geloof word dit wat Jesus vir ons bewerk het, aan ons geskenk. Maar waar kom só ‘n geloof dan vandaan?

Antwoord: Die Heilige Gees werk dit in ons harte. (a) Hy doen dit deur die verkondiging van die Woord en versterk dit deur die gebruik van die sakramente (b).

Vraag 66: Dit bring ons by die punt waar ons moet nadink oor die sakramente. Wat is sakramente?

(Baie kerkgroeperinge verstaan die sakramente se doel op ‘n verkeerde en bygelowige manier. Dit lei tot chaos en bitterheid tussen christene. Wat ek nou gaan sê, hoop ek sal u baie mooi oor gaan nadink...

Dit is hartseer dat mense byvoorbeeld baklei oor WIE gedoop moet word, voordat hulle regtig verstaan WAT die doop en die sakramente regtig is. Anders gestel: Eers as jy verstaan wát die doop se betekenis is, sal jy regtig verstaan wié gedoop moet word. Alleen volgens hierdie weg sal jy nie verval in vrugtelose versie-aanhalery rakende die vraag of kinders gedoop moet word of nie. Daarom sal slegs iemand wat vraag 66-73 se antwoorde regtig verstaan, vraag 74 met vrymoedigheid kan antwoord! - PP)

Antwoord: Sakramente is heilige, sigbare tekens en “seëls”(waarborge) wat God ingestel het. God het dit ingestel om die volgende rede –

God wil hê dat ons, deur die gebruik van die sakramente, die blye boodskap se belofte oor Jesus nog beter moet leer verstaan. Die Blye boodskap word ook bevestig en gewaarborg deur die sakramente. Hierdie belofte is dat God te danke aan Jesus se offer aan die kruis, vergewing van sondes en die ewige lewe uit genade skenk (a).

Vraag 67 : Kan ons dus aflei dat beide die Woord en die sakramente die een groot doel het, naamlik om ons geloof op Jesus se offer as die enigste rede vir ons verlossing te rig? Antwoord: Ja, want die Heilige Gees leer ons in die Woord en verseker ons deur die sakramente dat ons (“ons” beteken hier en in Romeine 6 die gelowiges - PP) hele verlossing berus op die offer van Jesus, wat Hy aan die kruis vir ons volbring het (a).

(a)Rom 6:3; Gal 3:27.

Dagstuk a

Vraag 68: Hoeveel sakramente het Jesus in die Nuwe Testament ingestel?

Antwoord: Twee, naamlik die heilige doop en die heilige nagmaal.

Sondag 26

Vraag 69: Hoe rig die doop jou geloof op die troos van Jesus se offer vir jou?

Antwoord: So: Christus het die doop (ook genoem “die uitwendige waterbad”) ingestel (a). Daarby het Hy beloof (b) dat ek net so seker met sy bloed en Gees van die onreinheid van al my sondes gewas is (c) as wat ek uitwendig met die water gewas is.

(Onthou tog weer – Die “ ek ” in hierdie antwoord dui nie op die gedoopte nie, maar op die gelowige. Die gedoopte wat nie iewers in sy lewe tot geloof kom nie, se sondes is immers nie afgewas nie. Dus, die doop verseker ons as gelowiges: Net so seker as wat water die vuilheid van die liggaam wegwas, net so seker het ons Here ons sondes afgewas.- PP)

Vraag 70: In die vorige vraag het ons gepraat van die “wassing deur die bloed en Gees” - Wat beteken dit om met die bloed en Gees van Christus gewas te wees?

Antwoord: Kom ons dink eers oor die was met bloed - Dit beteken doodeenvoudig om van God vergewing van sonde uit genade te ontvang ter wille van die bloed van Christus wat Hy tydens sy offer aan die kruis vir ons gestort het (a).

Die Gees se “waswerk” beteken weer, dat ons deur die Heilige Gees vernuwe en as lede van Christus geheilig word. Die gevolg van hierdie vernuwing deur die Gees is dat ons die sonde hoe langer hoe meer afsterwe, en ook al meer godvresend en onberispelik lewe (b).

(NB Deur die doop bevestig Jesus dus dat Hy al hierdie wondelike dinge met die mens wil doen-PP.)

Vraag 71: Waar het Jesus ons belowe dat Hy ons net so seker met sy bloed en Gees wil was as wat ons met die doopwater gewas word?

Antwoord: Met die instelling van die doop wat soos volg lui: "Gaan dan heen, maak dissipels van al die nasies en doop hulle in die Naam van die Vader en die Seun en die Heilige Gees..." (Matt 28:19); en: "Hy wat glo en hom laat doop, sal gered word; maar hy wat nie glo nie, sal veroordeel word" (Mark 16:16). Hierdie belofte word ook herhaal waar die Bybel die doop “die bad van die wedergeboorte” en “die afwassing van die sondes” noem (Tit 3:5; Hand 22:16).

Sondag 27

Vraag 72: Pasop nou vir ‘n groot misverstand - Word ons sondes dan tydens die doopproses afgewas?

Antwoord: Nee (a), want alleen die bloed van Jesus Christus en die Heilige Gees reinig ons van alle sondes (b).

Vraag 73: Nou kan ons dalk begin wonder: Waarom noem die Heilige Gees die doop self dan “bad van die wedergeboorte” en “afwassing van die sondes”?

Antwoord: Die doop word om ‘n belangrike rede so genoem. God wil ons naamlik daarmee leer dat die bloed en Gees van Christus ons sondes so wegneem soos die water die vuilheid van die liggaam wegneem.

Verder wil Hy ons veral deur hierdie Goddelike waarborg en teken verseker dat ons net so werklik geestelik van ons sondes gewas is as wat ons liggaam uitwendig met water gewas word.

Vraag 74: Jy sal waarskynlik na hierdie besprekings die volgende vraag maklik kan beantwoord: Moet babas ook gedoop word?

Antwoord: Ja, want hulle is net soos die volwassenes in die verbond van God en sy gemeente ingesluit (a). Ook aan hulle word, nie minder as aan die volwassenes nie, deur die bloed van Christus die verlossing van die sondes (b) en die Heilige Gees wat die geloof werk (c), beloof. Daarom moet hulle ook deur die doop as teken van die verbond in die Christelike kerk ingelyf en van die kinders van die ongelowiges onderskei word (d).

So is dit in die Ou Testament deur die besnydenis gedoen (e) in die plek waarvan die nuwe Verbond die doop ingestel is (f).

Sondag 28

Vraag 75: Jy word gevra om aan iemand te verduidelik hoe die nagmaal jou daarop wys en jou daarvan verseker dat ook jy deel het aan die voorregte wat Jesus se offer vir ons bewerk het. Hoe sal jy dit verduidelik?

Antwoord: Christus het my en alle gelowiges beveel om tot herinnering aan Hom, die gebreekte brood te eet en van die beker te drink. Daarby het Hy die volgende beloof (a): Eerstens - sy liggaam is net so seker vir my aan die kruis geoffer en gebreek, en sy bloed vir my gestort, as wat ek met my oë sien hoe die brood vir my gebreek en die beker aan my gegee word. Tweedens - Hy voed en verkwik my siel met sy gekruisigde liggaam en gestorte bloed net so seker vir die ewige lewe, as wat ek die brood en die beker, as onbetwyfelbare tekens van Christus se liggaam en bloed, uit die hand van die bedienaar ontvang en met die mond geniet.

Vraag 76: Wat beteken dit om die gekruisigde liggaam van Christus te eet en sy bloed wat vergiet is, te drink?

Antwoord: Dit beteken aan die een kant om in geloof die hele lyding en sterwe van Jesus aan te neem en daardeur vergewing van sondes en die ewige lewe te verkry (a). Dit beteken egter ook om deur die Heilige Gees al hoe meer met Jesus se liggaam verenig te word (b). Die Gees maak ons as’t ware vlees van Jesus se vlees en been van sy gebeente (c). Die Gees bewerk dit al is Jesus nou in die hemel (d) en ons op die aarde. Dit wil se dat ons deur die Gees ewig kan lewe en deur Hom regeer word (e).

Vraag 77: Waar het Jesus beloof dat Hy die gelowiges net so seker met sy liggaam en bloed sal voed en verkwik as wat hulle van hierdie gebreekte brood eet en uit hierdie beker drink?

Antwoord: By die instelling van die nagmaal wat soos volg lui (a): "In die nag waarin Hy verraai is, het die Here Jesus brood geneem, en nadat Hy gedank het, het Hy dit gebreek en gesê: `Neem, eet, dit is my liggaam wat vir julle gebreek word; doen dit tot my gedagtenis. Net so ook die beker ná die ete met die woorde: Hierdie beker is die nuwe testament in my bloed; doen dit, so dikwels as julle daaruit drink, tot my gedagtenis. Want so dikwels as julle van hierdie brood eet en hierdie beker drink, verkondig julle die dood van die Here totdat Hy kom" (1 Kor 11:23-26). Hierdie belofte word ook herhaal deur Paulus waar hy sê: "Die beker van danksegging wat ons met danksegging seën, is dit nie die gemeenskap met die bloed van Christus nie? Die brood wat ons breek, is dit nie die gemeenskap met die liggaam van Christus nie? Omdat dit een brood is, is ons almal een liggaam, want ons het almal deel aan die een brood" (1 Kor 10:16, 17).

Sondag 29

Vraag 78: Verander die brood en wyn dan in die werklike liggaam en bloed van Christus?

Antwoord: (a) Nee, maar soos die water by die doop nie in die bloed van Christus verander of die afwassing van sonde self is nie, maar slegs 'n Goddelike teken en versekering daarvan (b), so verander die brood by die nagmaal nie in die liggaam van Christus self nie (c). Weens die aard en gebruik van die sakramente word die brood egter die liggaam van Christus genoem (d).

Vraag 79: Waarom noem Jesus dan die brood sy liggaam en die beker sy bloed of die nuwe Testament in sy bloed en waarom noem Paulus dit die gemeenskap met die liggaam en bloed van Jesus?

Antwoord: Daar is belangrike redes waarom Jesus so sê: Hy wil ons daarmee leer dat, soos brood en wyn die lewe op aarde moontlik maak, so voed sy gekruisigde liggaam en gestorte bloed, as die ware en ewige kos en drank, ons siele vir die ewige lewe (a). Verder wil Hy ons deur hierdie sigbare tekens en waarborge veral verseker dat ons net so seker deur die werking van die Heilige Gees aan sy ware liggaam en bloed deel kry as wat ons hierdie heilige tekens met ons monde tot herinnering aan Hom ontvang (b). Hy verseker ons ook dat al sy lyding en gehoorsaamheid namens ons was, op so ‘n manier, dat dit is asof ons self in eie persoon alles gely en die skuld vir ons sondes aan God ten volle betaal het.

Sondag 30

Vraag 80: Wat is die onderskeid tussen die nagmaal van die Here en die Rooms Katolieke Kerk se viering van die mis?

Antwoord: Die nagmaal getuig aan ons dat ons volkome vergewing van al ons sondes het, ter wille van die enige offer van Jesus Christus wat Hy self eens en vir altyd aan die kruis volbring het (a), en dat ons deur die Heilige Gees in Christus ingelyf word (b), wat nou na sy menslike natuur in die hemel aan die regterhand van die Vader (c) is en daar deur ons aanbid wil word (d).

Die Roomse mis, daarenteen, leer dat die lewendes en die gestorwenes nie deur die lyding van Christus vergewing van sondes het nie, tensy Christus nog daagliks vir hulle deur die priesters geoffer word. Verder dat Christus liggaamlik in die brood en wyn aanwesig is en daarom daarin aanbid moet word. Die mis is dus in wese niks anders nie as 'n ontkenning van die een, unieke offer en lyding van Jesus Christus nie. Dit is dus niks anders as afgodery wat vervloek is nie (e).

Vraag 81: Wie moet na die nagmaalstafel van die Here kom?

Antwoord: Elkeen wat weens sy sondes 'n afkeer van homself het, maar tog vertrou dat dit hom om Christus wil vergewe is, en dat die swakhede wat nog oor is, met sy lyding en sterwe bedek is;

Verder moet nagmaalgangers ook begeer om hulle geloof hoe langer hoe meer te versterk en hulle lewe te verbeter.

Maar die skynheiliges en die wat hulle nie van harte tot God bekeer nie, eet en drink God se oordeel oor hulleself (a).

Vraag 82: Moet die mense ook aan die nagmaal toegelaat word wat met hulle woorde en dade wys dat hulle ongelowig en goddeloos is?

Antwoord: Nee, want so word die verbond van God ontheilig en sy toorn oor die hele gemeente opgewek (a). Daarom is die kerk volgens die bevel van Christus en sy apostels verplig om sulke mense met die “sleutels van die koninkryk van die hemel” uit te sluit, totdat hulle verbetering van hulle lewe bewys.

Sondag31

Vraag 83: Maar wat is hierdie “sleutels van die koninkryk van die hemel”?

Vraag 84: Die logiese vraag is nou: Hóé word die koninkryk van die hemel deur die verkondiging van die evangelie oop- en toegesluit?

Antwoord: Jesus het beveel dat aan die gelowiges gesamentlik en afsonderlik die volgende verkondig moet word –

Al jou sondes sal waarlik deur God ter wille van die verdienste van Christus vergewe word as jy die belofte van die evangelie met 'n ware geloof aanneem.

Daarenteen word aan al die ongelowiges en skynheiliges verkondig dat die toorn van God en die ewige straf wag op hulle solank hulle hulle nie bekeer nie (a). God sal eendag, op grond van mense se reaksie op hierdie boodskap, oor mense oordeel

Vraag 85: Kom ons kyk ook mooi Hoe die koninkryk deur die Christelike tug toe- en oopgesluit word vir mense...

Antwoord: Jesus het beveel dat die volgende in die gemeente moet gebeur –

Wanneer iemand sê dat hy ‘n Christen is, en tog 'n onchristelike leer verkondig of hulle onchristelik gedra, dan moet die persoon eers herhaaldelike kere broederlik vermaan word.

As hulle egter nie van hulle dwaalleer of skandelike lewe wil afsien nie, moet dit aan die gemeente of aan die wat deur die gemeente daarvoor aangewys is, gesê word.

As hulle hulle ook nie aan laasgenoemde se vermaninge steur nie, word hulle nie langer tot die heilige sakramente toegelaat nie en uit die Christelike gemeente en deur God self uit die ryk van Christus uitgesluit.

Hulle word weer as lede van Christus en sy gemeente aangeneem wanneer hulle werklike verbetering beloof en bewys (a).

Sondag 32

Vraag 86: Ons weet dat ons goeie werke geen verdienste het by God nie. Die vraag ontstaan by sommige mense waarom ons dan nog steeds goeie werke moet bly doen?

Antwoord: Mense wat so redeneer verstaan niks van Jesus nie. Ons weet dat Hy, nadat Hy ons met sy bloed gekoop het, ons ook deur sy Heilige Gees tot sy ewebeeld vernuwe. Gevolglik moet ons met ons hele lewe bewys (a) dat ons God dankbaar is vir sy goedheid, en dat Hy deur ons geprys (b) word.

Verder sien ons in die goeie werke wat ons doen, dat Jesus regtig in ons werk deur Sy Gees. Daarom kry ons in onsself sekerheid dat ons aan Hom behoort as ons hierdie vrugte van ‘n ware geloof in onsself herken (c)

Ons goeie werke en ons godvresende lewenswyse wen ook ons naaste vir Christus (d).

Vraag 87: Word mense wat in hulle goddelose, ondankbare lewe volhard en hulle nie tot God bekeer nie, dan nie verlos nie?

Antwoord: Nee, glad nie. Want die Bybel sê dat geen onkuise, afgodedienaar, egbreker, dief, gierigaard, dronkaard, lasteraar, rower en sulkes die koninkryk van God sal beërwe nie (a).

Sondag 33

Vraag 88: Net bekeerdes word dus gered. Wat beteken dit om jou waarlik te bekeer ?

Antwoord: ‘n Ware bekering bestaan uit twee dele: “die afsterwing van die ou mens” en “die opstanding van die nuwe mens” (a).

Vraag 89: Wat is “die afsterwing van die ou mens”?

Antwoord: Dit is 'n hartlike berou daaroor dat ons God deur ons sondes vertoorn het. Daarom sal ons hoe langer ons leef hoe meer die sonde haat en daarvan wegvlug (a).

Vraag 90: Wat is die opstanding van die nuwe mens?

Antwoord: Dit is 'n hartlike vreugde in God deur Christus (a). Dit beteken dan ook dat jy ‘n verlange sal hê, en ook ‘n liefde sal hê om volgens die wil van God alle goeie werke te doen (b).

Vraag 91: Wat is goeie werke?

Antwoord: Slegs die wat aan die volgende eise voldoen: Dit moet uit 'n ware geloof gedoen word (a).

Dit moet volgens die wet van God (b), tot sy eer gedoen word (c).

Dit is dus nie dade wat op ons eie goeddunke of op tradisies van mense gegrond is nie (d).

Sondag 34

Vraag 92: Goeie werke moet volgens God se wet gedoen word. Hoe lui hierdie wet van die Here?

Antwoord: God het al hierdie gebooie aangekondig (Eks 20:1-17; Deut 5:6-21): Ek is die Here jou God wat jou uit Egipteland, uit die slawehuis uitgelei het.

Die eerste gebod

Jy mag geen ander gode voor my aangesig hê nie.

Die tweede gebod

Jy mag vir jou geen gesnede beeld of enige gelykenis maak van wat bo in die hemel is, of van wat onder die aarde is of van wat in die water onder die aarde is nie. Jy mag jou voor hulle nie neerbuig en nie dien nie, want Ek, die Here jou God, is 'n jaloerse God, wat die misdaad van die vaders besoek aan die kinders, aan die derde en die vierde geslag van die wat My haat. En Ek bewys barmhartigheid aan duisende van die wat My liefhet en My gebooie onderhou.

Die derde gebod

Jy mag die Naam van die Here jou God nie ydellik gebruik nie, want die Here sal die een wat sy Naam ydellik gebruik, nie ongestraf laat bly nie.

Die vierde gebod

Gedenk die sabbatdag, dat jy dit heilig. Ses dae moet jy arbei en al jou werk doen, maar die sewende dag is die sabbat van die Here, dan mag jy geen werk doen nie - jy of jou seun of jou dogter, of jou dienskneg of jou diensmaagd, of jou vee of jou vreemdeling wat in jou poorte is nie. Want in ses dae het die Here die hemel en die aarde gemaak, die see en alles wat daarin is en op die sewende dag het Hy gerus. Daarom het Hy die sabbatdag geseën en dit geheilig.

Die vyfde gebod

Eer jou vader en jou moeder, dat jou dae verleng mag word in die land wat die Here jou God aan jou gee.

Die sesde gebod

Jy mag nie doodslaan nie.

Die sewende gebod

Jy mag nie egbreek nie.

Die agste gebod

Jy mag nie steel nie.

Die negende gebod

Jy mag geen vals getuienis teen jou naaste spreek nie.

Die tiende gebod

Jy mag nie jou naaste se huis begeer nie; jy mag nie jou naaste se vrou begeer nie, of sy dienskneg, of sy diensmaagd, of sy os of sy esel of iets wat van jou naaste is nie.

Vraag 93: Hoe word hierdie gebooie ingedeel?

Antwoord: In twee tafels (a), waarvan die eerste in vier gebooie ons leer hoe ons ons teenoor God moet gedra, die tweede in ses gebooie, wat ons aan ons naaste verskuldig is (b).

Vraag 94: Wat beveel God ons in die eerste gebod?

Antwoord: Ek moet as ek nie verlore wil gaan nie, van alle afgodery (a), towery, waarsêery, bygeloof (b), aanroeping van heiliges of ander skepsels (c) wegbly en daarvan wegvlug.

Ek moet die enigste ware God reg leer ken (d).

Ek moet Hom alleen vertrou (e)

Ek moet my slegs aan Hom met alle nederigheid (f) en geduld onderwerp (g)

Ek moet van Hom alleen alle goeie dinge (h) verwag.

Ek moet Hom met my hele hart liefhê (i), vrees (j) en eer (k).

Ek moet eerder alles en almal wat vir my belangrik is prysgee, as om in die minste teen sy wil te handel (1).

Vraag 95: Die eerste gebod gaan dus veel dieper as die letterlike aanbid van afgode. Kortom kan ons afgodery as volg saamvat...

Antwoord: Afgodery is om in die plek van die enigste ware God wat Hom in sy Woord geopenbaar het, of naas Hom iets anders uit te dink of te hê waarop jy jou vertroue stel (a).

Sondag 35

Vraag 96: Wat beveel God ons in die tweede gebod?

Antwoord: Ons mag God op geen enkele manier afbeeld nie (a) en Hom op geen ander manier vereer as wat Hy in sy Woord beveel het nie (b).

Vraag 97: Mag ons dan glad nie beelde maak nie?

Antwoord: God kan en mag op geen enkele manier afgebeeld word nie (a). Die skepsels van God mag wel afgebeeld word, maar God verbied dat ons van hulle afbeeldings maak en besit om dit te vereer en Hom daardeur te dien (b).

Vraag 98: Die Roomse Kerk plaas beelde en prente in hulle kerkgeboue ter wille van leke (mense wat onkundig oor God en Sy wil is). Mag ons dit toelaat in ons kerkgeboue?

Antwoord: Nee, want ons moet nie wyser as God wil wees nie. Hy wil sy Christene nie deur stom beelde nie (a), maar deur die lewende verkondiging van sy Woord laat onderrig (b).

(Let wel die belydenis wys hierdie beelde af, nie omdat sulke beelde die tweede gebod oortree nie, maar omdat hierdie beelde en prente spreek van kleingeloof in die mag van God om deur die lewende verkondiging van Sy Woord bekering te werk by mense-PP)

Sondag 36

Vraag 99: Wat beveel die derde gebod?

Antwoord: Ons mag die Naam van God nie laster of misbruik nie. Dit gebeur as ons vloek (a),

of wanneer ons 'n vals eed aflê (b)

of as ons onnodig sweer (c).

Verder mag ons nie deur stil te bly of dit toe te laat ons aan sulke verskriklike sondes skuldig maak nie (d).

Kortom, ons mag die heilige Naam van God nie anders as met vrees en eerbied gebruik nie (e), sodat Hy deur ons reg bely (f), aanbid (g) en in al ons woorde en dade geprys word (h).

Vraag 100: Is dit dan so 'n groot sonde om die Naam van God te laster deur te sweer en te vloek dat God Hom selfs oor elkeen vertoorn wat hierdie sonde nie sover moontlik teengaan en verbied nie?

Antwoord: Ja, seker (a), want geen sonde is groter en vertoorn God meer as die lastering van sy Naam nie. Daarom het Hy ook beveel om dit met die dood te straf (b).

Sondag 37

Vraag 101: Is daar gevalle waar mens wel by die Naam van God mag sweer?

Antwoord: Ja, as die owerheid dit van sy onderdane eis of as die nood dit vereis om daardeur trou en waarheid te bevestig. Dit moet dan tot eer van God en tot opbou van ons naaste gedoen word. Sodanige eedswering is op die Woord van God gegrond (a), en die gelowiges in die Ou en Nuwe Verbond het dit reg gebruik (b).

Vraag 102: Mag 'n mens ook by die heiliges of by ander skepsels sweer?

Antwoord: Nee, want om 'n regte eed te sweer, beteken dat ek God aanroep as die enigste kenner van die hart om vir die waarheid getuienis te gee en my te straf as ek vals sweer (a). Hierdie eer kom geen skepsel toe nie (b).

Sondag 38

Vraag 103: Wat beveel God in die vierde gebod?

Antwoord: God wil eerstens dat die Woordbediening en die godsdiensonderrig in stand gehou word (a).

Ook moet ek veral op die rusdag ywerig met die gemeente van God saamkom (b). Ons moet dit doen om die Woord van God te hoor (c), die sakramente te gebruik (d), die Here openlik aan te roep (e) en die Christelike liefdegawes te gee (f).

Tweedens moet ek elke dag van my lewe van my bose werke rus, en die Here deur sy Gees in my laat werk. So begin ek die ewige sabbat/rus reeds in hierdie lewe (g).

Sondag 39

Vraag 104: Wat eis God in die vyfde gebod?

Antwoord: Ek moet my pa en ma en almal wat oor my gestel is, alle eer, liefde en trou bewys.

Ek moet my aan hulle goeie leer en tug met die verskuldigde gehoorsaamheid onderwerp (a).

Ook moet ek met hulle gebreke geduld hê (b), omdat God ons deur hulle wil regeer (c).

Sondag 40

Vraag 105: Wat eis God in die sesde gebod?

Antwoord: Ek mag nie self en ook nie deur iemand anders my naaste onteer, haat, beledig of doodmaak nie.

Ek mag dit nie met my gedagtes, woorde of gebare doen nie en nog minder met die daad (a).

Ek moet alle wraakgedagtes laat vaar (b).

Ek mag ook myself nie kwaad aandoen of moedswillig in gevaar begewe nie (c).

Die regering is deur God daar geplaas, en net hulle ontvang “die swaard” om in God se naam te straf (d).

Vraag 106: Praat hierdie gebod net van letterlike doodmaak?

Antwoord: Nee, deur doodmaak te verbied, leer God ons dat Hy die wortel daarvan (a), soos jaloesie, haat (b), woede (c) en wraaksug verafsku.. Dit alles is vir Hom heimlike moord (d).

Vraag 107: Het ons die gebod heeltemal gehoorsaam deur bloot sekere dinge soos doodmaak NIE te doen NIE ?

Antwoord: Nee, God verbied aan die een kant dinge soos jaloesie, haat en woede.

Aan die anderkant beveel Hy ons dat ons sekere dinge juis móét doen -

Ons moet ons naaste liefhê soos onsself (a).

Ons moet teenoor hulle geduldig, vredeliewend, sagmoedig, barmhartig en vriendelik wees (b)

Ons moet alles wat hulle kan benadeel, sover moontlik probeer voorkom (c)

en selfs aan ons vyande goed doen (d).

Sondag 41

Vraag 108: Wat leer die sewende gebod ons?

Antwoord: Alle los waardes is deur God vervloek (a), en daarom moet ons alles haat wat lyk na los gedrag (b). Daarenteen moet ons rein en ingetoë lewe (c).

Hierdie gebod het dus Goddelike opdragte aangaande ons leefstyl binne en buite die huwelik (d).

Vraag 109: Verbied God in hierdie gebod niks meer as net egbreuk en sulke skandes nie?

Antwoord: Nee,dit gaan oor veel meer. Omdat beide, ons liggaam en siel, 'n tempel van die Heilige Gees is, wil God dat ons altwee rein en heilig bewaar. Daarom verbied hy alle losbandige dade, gebare, woorde (a), gedagtes, begeertes (b) en alles wat 'n mens daartoe kan verlei (c).

Sondag 42

Vraag 110: Wat verbied God in die agste gebod?

Antwoord: God verbied nie slegs die diefstal (a) en roof (b) wat die regering straf nie.

Hy beskou ook as diefstal al die skelmstreke en slinksheid waardeur ons probeer om ons naaste se besittings in die hande te kry (c).

Dit kan gebeur met geweld of deur voor te gee wat nie regtig waar is nie – ons dink hier aan voorbeelde soos die vervalsing van gewigte, lengtemaat, inhoudsmaat, goedere, (d), geld ens.

God verbied ook onregverdige wins (e) en alle ander sulke dinge.

Hy verbied ook alle gierigheid (f)

en alle misbruik en vermorsing van dit wat Hy aan ons skenk (g).

Vraag 111: Maar God verbied nie net sekere dinge nie. Hy beveel ons in die agtste gebod dat daar juis sekere dinge is wat ons móét doen...

Antwoord: Ek moet die belange van my naaste, waar ek kan en mag, bevorder.

God beveel ook dat ek my naaste so moet behandel soos ek wil hê dat hulle my moet behandel (a).

Daarby moet ek ook my werk getrou doen, sodat ek behoeftige mense in hulle nood kan help (b).

Sondag 43

Vraag 112: Wat beveel die negende gebod?

Antwoord: Ek mag teen niemand vals getuig nie (a).

Ek mag niemand se woorde verdraai nie (b).

Ek mag nie 'n kwaadsteker of lasteraar wees nie (c).

Ek mag nie iemand veroordeel sonder om eers sy kant van die storie deegik aan te hoor nie (d).

Alle vorme van lieg en bedrieg moet ek as die duiwel (e) se eie werke vermy as ek nie die straf van God oor my wil bring (f) nie.

In alle situasies en tye moet ek die waarheid liefhê, en opreg wees in wat ek sê en bely (g).

Meer nog, ek moet my naaste se eer en goeie naam sover ek kan verdedig en bevorder (h).

Sondag 44

Vraag 113: Wat eis die tiende gebod van ons?

Antwoord: Selfs die geringste begeerte of gedagte teen enige gebod van God mag nooit in ons hart opkom nie. Ons moet altyd met ons hele hart die sonde haat en begeer om net volgens die wil van God te leef (a).

Vraag 114: Ons weet nou wat God se wil is, maar kán die wat tot God bekeer is, hierdie gebooie volmaak gehoorsaam?

Antwoord: Nee, want selfs die vroomste mense het, solank hulle in hierdie lewe is, nog maar 'n geringe begin van hierdie gehoorsaamheid (a).

Die belangrike is egter dat hulle met 'n ernstige voorneme begin om nie alleen volgens sommige nie, maar volgens al die gebooie van God te lewe (b).

Vraag 115: Waarom laat God die Tien Gebooie dan so streng aan ons voorhou as niemand dit tog in hierdie lewe volmaak kan uitleef nie?

Antwoord: Eerstens sodat ons gedurende ons hele lewe ons sondige geneigdheid hoe langer hoe beter kan leer ken (a).

Dit sal veroorsaak dat ons met groter verlange na die vergewing van sondes en na die genade wat Jesus bewerk het begin soek (b).

Tweedens moet ons ons sonder ophou beywer en God om die genade van die Heilige Gees bid, sodat ons altyd meer en meer na die ewebeeld van God vernuwe mag word totdat ons na hierdie lewe die volmaaktheid as doel bereik (c).

Ons het nou stilgestaan by die 10 gebooie en ‘n dankbare leefwyse. Vervolgens is dit nodig om na te dink oor die gebédslewe van ‘n dankbare verloste mens

Sondag 45

Vraag 116: Waarom is die gebed vir die Christene nodig?

Antwoord: Omdat dit die belangrikste deel van die dankbaarheid is wat God van ons eis (a).

Verder moet ons bid omdat God sy genade en Heilige Gees alleen aan hulle wil gee wat van harte en sonder ophou daarvoor bid en Hom daarvoor dank (b).

Vraag 117: Hoe moet 'n gebed wees wat God behaag en deur Hom verhoor word?

Antwoord: Eerstens moet ons slegs tot die ware God bid – die God wat Hom in sy Woord geopenbaar het (a).

Ons moet Hom met ons hele hart aanroep (b). Ons moet tot Hom bid vir alles waarvoor Hy ons beveel het om te bid (c).

Tweedens moet ons ons nood en sondigheid deeglik ken (d) sodat ons ons voor sy grootheid kan verootmoedig (e).

Derdens het ons hierdie vaste sekerheid (f) dat Hy ons gebed, hoewel ons dit nie verdien nie, tog ter wille van die Here Jesus sekerlik wil verhoor (g) soos Hy dit vir ons in sy Woord beloof het (h).

Vraag 118: Wat het God ons beveel om van Hom te bid?

Antwoord: Alle geestelike en liggaamlike behoeftes wat Jesus saamgevat het, in die gebed wat Hy self aan ons geleer het (a).

Vraag 119: Hoe lui hierdie gebed?

Antwoord: Ons Vader wat in die hemel is, laat u Naam geheilig word, laat u koninkryk kom, laat u wil geskied, soos in die hemel net so ook op die aarde. Gee ons vandag ons daaglikse brood, en vergeef ons ons skulde, soos ons ook ons skuldenaars vergewe; en lei ons nie in versoeking nie, maar verlos ons van die Bose. Want aan U behoort die koninkryk en die krag en die heerlikheid tot in ewigheid. Amen.

Sondag 46

Vraag 120: Waarom het Jesus ons beveel om God as ons Vader aan te spreek?

Antwoord: Sodat Hy heel aan die begin van ons gebed in ons die kinderlike vrees en vertroue op God sal wek. Hierdie wonder, dat God deur Jesus ons Vader geword het, moet ons gedagtes die hele tyd vul terwyl ons bid. Hy wil ook hê dat ons moet besef dat as aardse vaders nie eers vir hulle kinders verkeerde dinge gee nie, kan ons tog veel eerder verwag dat ons Hemelvader vir ons goeie dinge sal gee as ons in die geloof bid (a).

Vraag 121: Waarom word hier bygevoeg: wat in die hemel is?

Antwoord: Die rede is dat dit ons moet help onthou dat ons nie op ‘n wêreldse manier aan God moet dink nie. Sy majesteit is onbegryplik wonderlik. (a) Verder wil Hy daardeur aan ons leer dat ons van ons God, met Sy groot almag, alles moet verwag wat ons vir liggaam en siel nodig het (b).

Sondag 47

Vraag 122: Wat is die eerste gedeelte van die Onse Vader?

Antwoord: “Laat u Naam geheilig word”. Dit beteken:

Gee allereers dat ons U reg ken (a) en dat ons U heilig, roem en prys in al u werke waarin u almag, wysheid, goedheid, geregtigheid, barmhartigheid en waarheid so skitter (b).

Gee verder dat ons ons hele lewe, gedagtes, woorde en dade daarop sal rig dat u Naam nie om ons ontwil gelaster nie, maar geëer en geprys word (c).

Sondag 48

Vraag 123: Wat is die tweede bede?

Antwoord: “Laat u koninkryk kom”. Dit beteken:

Regeer ons so deur u Woord en Gees dat ons ons hoe langer hoe meer aan U onderwerp (a).

Bewaar u kerk en laat dit groei (b).

Vernietig die werke van die duiwel, elke mag wat teen U opstaan, en alle planne wat teen u heilige Woord bedink word (c), totdat die volkomenheid van u ryk kom (d), waarin U alles in almal sal wees (e).

Sondag 49

Vraag 124: Wat is die derde bede?

Antwoord: “Laat u wil geskied, soos in die hemel net so ook op die aarde”. Dit beteken: Gee dat ons en alle mense ons eie wil prysgee (a) om aan u wil, wat alleen goed is, sonder enige teenpratery gehoorsaam te wees (b), sodat elkeen sy amp en beroep net so gewillig en getrou kan beoefen en uitvoer (c) soos die engele in die hemel (d).

Sondag 50

Vraag 125: Wat is die vierde bede?

Antwoord: “Gee ons vandag ons daaglikse brood”. Dit beteken:

Versorg ons met alles wat vir die liggaam nodig is (a), sodat ons daardeur erken dat U die enigste Bron is van alles wat goed is (b), en dat al ons sorge en arbeid en ook u gawes sonder u seën ons nie kan baat nie (c). Gee daarom dat ons nie ons vertroue op enige skepsele sal plaas nie, maar dat ons U alleen sal vertrou (d).

Sondag 51

Vraag 126: Wat is die vyfde bede?

Antwoord: “Vergeef ons ons skulde, soos ons ook ons skuldenaars vergewe”. Dit beteken:

Reken ons, arme sondaars, al ons sondes asook die boosheid waartoe ons geneig is, ter wille van die bloed van Christus, nie toe nie (a).

Ons bid dit van U omdat ons hierdie bewys van u genade in ons vind: dat ons die ernstige voorneme het om ons naaste van harte te vergewe (b).

Sondag 52

Vraag 127: Wat is die sesde bede?

Antwoord: “En lei ons nie in versoeking nie, maar verlos ons van die Bose”. Dit beteken:

Ons is in onsself so swak dat ons nie een oomblik staande kan bly nie (a). Daarby hou ons doodsvyande, die duiwel (b), die wêreld (c) en ons eie sondige natuur (d), nie op om ons aan te val nie. Wil U ons tog deur die krag van u Heilige Gees staande hou en versterk, sodat ons teen hulle sterk teenstand kan bied en in hierdie geestelik stryd nie beswyk (e) nie, totdat ons eindelik die oorwinning volkome behaal (f).

Vraag 128: Hoe sluit jy jou gebed af?

Antwoord: “Want aan U behoort die koninkryk en die krag en die heerlikheid tot in ewigheid”. Dit beteken: Ons bid dit alles van U omdat U as ons Koning, wat mag oor alles het, ons alle goeie dinge wil en kan gee (a) sodat daardeur nie ons nie, maar u heilige Naam ewig geprys sal word (b).

Vraag 129: Wat beteken die woord Amen?

Antwoord: Amen wil sê: Dit is waar en seker. Want my gebed is baie sekerder deur God verhoor as wat ek in my hart voel dat ek dit van Hom begeer (a).

[1]

Bybelstudie Ds Pieter Prinsloo

Vraag 50: Ons dink volgende na oor die woorde: “en Hy sit aan die regterhand van God”. Waarom voeg die belydenis hierdie sinnetjie doelbewus by?

(Hier volg die vrae van die HK. Die antwoorde volg aan die einde van die laaste vraag)

Vraag 1: Laat ons begin met ‘n baie belangrike vraag: Wat is jou enigste troos in lewe en in sterwe?

Vraag 2: Wie is die mense wat saam met my so getroos kan leef en sterf? Mense wat drie dinge verstaan...

Vraag 3: Ek moet in die eerste plek my sonde en ellende ken om getroos te kan leef en sterf. Hoe laat God jou ontdek dat jy sondig, ellendig en verlore is?

Vraag 4: Wat eis die wet van God van ons as ons die ewige lewe deur wetsonderhouding wil verkry?

Vraag 5: Net mense wat volmaak die wet uitleef is dus nie sondig en verlore nie. Kan jy volmaak volgens God se wet leef? Motiveer jou antwoord.

Vraag 6: Wie se skuld is dit dat ek so sondig is? Het God die mens dan so sondig en verkeerd geskep? Is dit dus Sy skuld dat ek hel toe moet gaan?

Vraag 8: Is ons só in die mag van sonde dat ons glad nie in staat is om iets goeds te doen nie en tot alle kwaad geneig is?

Vraag 9: Die mens is dus in die mag van sonde. Is dit dan nie onregverdig van God as Hy in sy wet van mense eis wat hulle tog nie kan doen nie? Motiveer

Vraag 10: Wil God hierdie ongehoorsaamheid en opstand ongestraf laat bly? Motiveer

Vraag 12: Ons sien dus dat ons regtig weens ons sonde straf verdien omdat God regverdig is. Die vraag is nou: Hoe kan ons hierdie straf vryspring en weer in genade deur God aangeneem word? Wat eis God?

Vraag 13: Kan ons self vir ons sonde betaal? Motiveer

Vraag 14: Kan enige ander wese wat deur God geskép is vir ons sonde betaal? Motiveer

Vraag 15: Watter eienskappe moet iemand dus besit om God se straf vir ons sonde te dra en daarna nog te oorleef om andere te gaan verlos. (Hy moet tog lewend uit die straf kom om sy werk voort te sit om ander mense te gaan verlos nadat hy deur God gestraf is)

Sondag 6

Vraag 16: Waarom moet my verlosser eerstens 'n ware en tweedens ‘n sondelose mens wees?

Vraag 17: Waarom moet my verlosser nie net ‘n ware en sondelose mens wees nie, maar ook waarlik God wees?

Vraag 18: Wie is hierdie Een wat terselfdertyd al bogenoemde eienskappe het, naamlik: ware God (a) én ‘n ware (b) én regverdige mens (c)? (Kyk na al die Skrifgetuienis oor Hom!

Vraag 19: Hoe weet jy dat net Jesus alleen hierdie Verlosser vir ons is?

Gen 3:15: (b) Gen 22:18; 12:3; 49:10. (c) Jes 53; 42:1-4; 43:25; 49:5, 6, 22, 23; Jer 23:5, 6; 31:32, 33; 32:39-41, Miga 7:18-20; Hand 10:43; 3:22-24; Rom 1:2; Heb 1:1. (d) Heb 10:1, 7; Kol 2:7-8; Joh 5:46. (e) Rom 10:4; Gal 4:4; 3:24; Kol 2:17.

Dagstuk a-c

Sondag 7

Vraag 20: Alle mense het dus in sonde en ellende beland deur Adam se sonde. Word al die mense dan weer deur Christus verlos soos hulle deur Adam verlore gegaan het? Motiveer

Vraag 21: Dit is daarom vir my nodig om mooi na te dink oor wat ware geloof is, anders bedrieg ek myself deur op ‘n valse manier te glo! ­Ons moet dus nou die lewensbelangrike vraag oordink –

WAT IS WARE GELOOF?

Vraag 22: Wat moet 'n Christen glo, dit wil sê: Wat is ‘n samevatting van dié kennis waarop ons geheel en al moet vertrou ?

Vraag 23: Hoe vat ons geloofsbelydenis alles saam wat ons met ons hele hart moet glo?

Sondag 8

Vraag 24: Hoe word hierdie geloofsbelydenis ingedeel?

Vraag 25: Ons glo tog in net een, unieke God. Waarom praat jy dan van die Vader, Seun en Heilige Gees (a)?

Sondag 9

Vraag 26: Wat bedoel jy as jy sê: Ek glo in God die Vader, die Almagtige, die Skepper van die hemel en die aarde?

Sondag 10

Vraag 27: Iemand vra my dalk: “Wat presies glo jy oor God se voorsienigheid?”

Vraag 28: Besef ons werklik watter groot troos dit is dat ons kan glo dat God alles gemaak het en nog steeds deur Sy voorsienigheid regeer? Kom ons dink na oor hierdie troos...

Sondag11

Vraag 29: Ons glo ook in Jesus...maar waarom is Sy naam juis “Jesus”, wat “verlosser” beteken?

Vraag 30: Daar is egter mense wat heeltemal verkeerd dink as dit by die verlore mens se verlossing kom.

Party dink dat hulle hulself kan verlos.

Ander hoop weer op “heiliges” soos Maria se voorbidding. Nog anderes dink dat daar dalk ander maniere is om die ewige lewe te verkry. Hierdie mense sê egter omtrent almal dat hulle ook in Jesus glo. Die vraag is:

Kan ‘n mens op hulle manier in Jesus glo en steeds verlos word?

Sondag12

Vraag 31: Waarom noem ons Jesus “die Christus”? (Christus beteken Gesalfde)

Vraag 32: Waarom word jy 'n Christen genoem (a)?

Sondag 13

Vraag 33: Waarom word Christus die eniggebore Seun van God genoem terwyl ons tog ook kinders van God is?

Vraag 34: Waarom noem jy Hom ons Here?

Sondag 14

Vraag 35: Nadat ons Jesus bely het as ons Here, bely ons dan twee sake in dieselfde asem – ons bely dat Jesus ontvang is van die Heilige Gees én gebore is uit die maagd Maria? Waarom voeg ons die twee sake saam?

Sondag 15

Vraag 37: Ons bely dat Jesus gely het. Besef ons werlik die verskriklike lyding wat Hy ter wille van ons deurgegaan het?

Vraag 38: Waarom noem ons die feit dat Jesus juis onder die regter Pontius Pilatus gely het? Wat is so belangrik aan hierdie feit dat dit in ons geloofbelydenis teenoor die wêreld genoem moet word?

Vraag 39: Jesus is gekruisig. Waarom is dit belangrik dat Hy gekruisig is en nie op ‘n ander wrede manier doodgemaak is nie?

Sondag 16

Vraag 40: Waarom was dit noodsaaklik dat Christus Hom tot in die dood toe verneder het?

Vraag 41: Waarom is Hy begrawe?

Vraag 42: As Jesus dan vir ons gesterf het, waarom moet ons ook nog sterwe?

Vraag 43: Watter ander voordeel is daar nog vir ons as gevolg van die offer en dood van Jesus aan die kruis?

Vraag 44: Waarom volg daar: en neergedaal het na die hel?

Sondag 17

Vraag 45: Watter voordeel het Jesus se opstanding uit die dood vir ons?

Sondag 18

Vraag 46: Wat verstaan jy onder die woorde: “wat opgevaar het na die hemel”?

Vraag 47: As Jesus dan in die hemel is, beteken dit dat Hy dan nie meer by ons is tot die einde van die wêreld, soos Hy ons beloof het nie (a)?

Vraag 48: Maar as die mensheid nie oral is waar die Godheid is nie, word die twee nature in Christus dan nie van mekaar geskei nie?

Vraag 49: Watter voordele het die hemelvaart van Christus vir ons?

Sondag 19

Vraag 50: Ons dink volgende na oor die woorde: “en sit aan regterhand van God”. Waarom voeg die belydenis hierdie sinnetjie doelbewus by?

Vraag 51: Watter voordeel bring hierdie heerlikheid van ons Hoof Jesus vir ons?

Vraag 52: “...vanwaar Hy sal kom om te oordeel...” Hoe word jy getroos deur die wederkoms van Christus om die lewendes en die dooies te oordeel?

Sondag 20

Vraag 53: Wat glo jy van die Heilige Gees?

Sondag 21

Vraag 54: Wat glo jy van die heilige, algemene, Christelike kerk?

Vraag 55: Ons bely “die gemeenskap van die heiliges”. Hoe raak hierdie woorde jou lewe?

Vraag 56: Wat glo jy van die vergewing van die sondes?

Sondag 22

Vraag 57: Watter troos gee die opstanding van die liggaam aan jou?

Vraag 21: Dit is daarom vir my nodig om mooi na te dink oor wat ware geloof is, anders bedrieg ek myself deur op ‘n valse manier te glo! Ons moet dus nou die lewensbelangrike vraag oordink –